2016-03-22 17:38:25, 516 ნახვა
პოლიტიკა
იენს სტოლტენბერგი ბრიუსელის ტერაქტზე: ტერორიზმი დემოკრატიას ვერ დაამარცხებს
ჩემი ფიქრები ახლა გარდაცვლილების ოჯახის წევრებთან არის, რომლებმაც საყვარელი ადამიანები დაკარგეს. ასევე იმ ადამიანებთან, რომლებიც უშუალოდ დაშავდნენ და ბელგიის ყველა მოქალაქესთან, - ასე გამოეხმაურა ნატოს გენერალური მდივანი იენს სტოლტენბერგი ბრიუსელში მომხდარ ტერაქტებს.
მისივე თქმით, ნატო ამ რთულ დროს მოკავშირე ბელგიას თანადგომას უცხადებს.
"ეს არის ლაჩრული თავდასხმა. თავდასხმა ჩვენს ღირებულებებსა და ღია საზოგადოებაზე. ტერორიზმი დემოკრატიას ვერ დაამარცხებს და თავისუფლებას ვერ წაგვართმევს. ჩვენ გადავწყვიტეთ, რომ ნატო-ს შტაბ-ბინებში სახელმწიფო განგაში გაიზარდოს. ჩვენ დეტალურად ვაკვირდებით და ვუწევთ ამ სიტუაციას მონიტორინგს", - ნათქვამია იენს სტოლტენბერგის განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
