მიხეილ სააკაშვილი: ჩემი მეუღლე და ვაჟი ბრიუსელის აეროპორტიდან ტერაქტამდე რამდენიმე წუთით ადრე გამოფრინდნენ

2016-03-22 16:32:05, 2851 ნახვა

Lifestyle

საქართველოს ყოფილი პრეზიდენტი მიხეილ სააკაშვილი Facebook-ის საკუთარ გვერდზე წერს, რომ სანდრა რულოვსი და მისი ვაჟი ბრიუსელის აეროპორტში იმყოფებოდნენ.

სააკაშვილის თქმით, მისი მეუღლე და ვაჟი ბრიუსელის აეროპორტიდან ტერაქტამდე რამდენიმე წუთით ადრე გაფრინდნენ.

„როდესაც ამ ტრაგედიის შესახებ წავიკითხე, უკვე ვიცოდი, რომ მათ მოახერხეს გამოფრენა და მაშინვე დავფიქრდი იმ მსხვერპლთა ახლობლებსა და ნათესავებზე, რომელთაც ვერ მოახერხეს გადარჩენა. ეს საშინელი ტრაგედიაა, თუმცა, როგორც ჩანს, არა - უკანასკნელი. უნდა აღვნიშნო, რომ გარდა სხვა მიზეზებისა, ეს არის ზედმეტად დიდი ბიუროკრატიის, თავაშვებულობისა და მკაცრი გადაწყვეტილებების მიღების უუნარობის შედეგი“, - წერს სააკაშვილი.

ცნობისთის, რამდენიმე საათის წინ ბრიუსელში აფეთქება ჯერ ბრიუსელის აეროპორტში, ერთი საათის შემდეგ კი ქალაქის ცენტრში, მალბეკის მეტროსადგურში მოხდა. საერთაშორისო მედიის ცნობით სულ დაღუპულია 32 ადამიანი და დაჭრილია 100-მდე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან