ინტერნეტ გიგანტმა Google-მა განაცხადა, რომ დეზინფორმაციის წინააღმდეგ ბრძოლის ფარგლებში, მან რუსეთთან დაკავშირებული 2000-ზე მეტი YouTube არხი წაშალა. კომპანიის ცნობით, წაშლილი ანგარიშები სხვადასხვა ენაზე აქვეყნებდა კონტენტს, რომელიც პრორუსულ დღის წესრიგს უჭერდა მხარს და აკრიტიკებდა უკრაინას, ნატოს და დასავლეთის ქვეყნებს, წერს CNN.

ანგარიშების წაშლა Google-ის საფრთხეების ანალიზის ჯგუფის მუშაობის ნაწილი იყო, რომელიც პასუხისმგებელია გლობალური საინფორმაციო კამპანიებისა და „კოორდინირებული გავლენის“ წინააღმდეგ ბრძოლაზე. გარდა ამისა, Google-მა მეორე კვარტალში ჩინეთთან დაკავშირებული 7,700-ზე მეტი არხი დაბლოკა. ეს არხები ჩინურ და ინგლისურ ენებზე აქვეყნებდნენ კონტენტს, რომელიც ჩინეთის დადებით იმიჯს უწევდა ხელს, მხარს უჭერდა პრეზიდენტ სი ძინპინს და კომენტარს აკეთებდა აშშ-ის საგარეო პოლიტიკაზე.

YouTube-ის პრორუსული კონტენტის დაბლოკვის პოლიტიკა გაძლიერდა რუსეთსა და უკრაინას შორის 2022 წლის თებერვალში ომის დაწყების შემდეგ. პირველებს შორის დაიხურა RT და GTRK Grozny არხები. ასევე წაიშალა ფედერალური არხები, „დუმა ტელევიზია“ (სახელმწიფო დუმის ოფიციალური არხი), ტელეწამყვან ვლადიმერ სოლოვიოვის არხები, რუსეთის საგარეო საქმეთა სამინისტროს წარმომადგენლის მარია ზახაროვას ბრიფინგები, ვიდეოები „როსკოსმოსის“ ყოფილი ხელმძღვანელის, დიმიტრი როგოზინის, დიზაინერ არტემი ლებედევის, ბლოგერ დიმიტრი პუჩკოვის (გობლინი) და სხვების მონაწილეობით. 2024 წელს YouTube-მა რეჟისორ ნიკიტა მიხალკოვის BesogonTV არხი წაშალა, დაბლოკა 40-ზე მეტი რეგიონალური VGTRK არხი, მომღერალ შამანის, პოლინა გაგარინას, გრიგორი ლეპსის და ოლეგ გაზმანოვის არხები.

ავტორი: ექსპრესნიუსი,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით