რამდენიმე დღის წინ გახდა ცნობილი, რომ ფრანგული „მეცი“ „კოლხეთი 1913“-ის თავდამსხმელით, გიორგი აბუაშვილით ინტერესდება და მხარეები გარიგების დასრულებასთან ახლოს არიან. დღეს ცნობილი გახდა, რომ გარიგება შედგა.

შეგახსენებთ, რომ რამდენიმე დღის წინ, საქართველოს ეროვნული ნაკრების ფეხბურთელმა გიორგი წიტაიშვილმა ამ ფრანგულ კლუბთან კონტრაქტი გააფორმა.

Footmercato-ს ცნობით, 22 წლის ქართველი თავდამსხმელი სეზონის ბოლომდე იჯარით „მეცის“ ღირსებას დაიცავს.

„ერთ ქართველს მეორე მოჰყვა. გიორგი წიტაიშვილის „მეტსში“ ჩასვლიდან რამდენიმე დღეში გიორგი აბუაშვილის ჯერი დადგა. 22 წლის ასაკში ის საქართველოს ჩემპიონატიდან გადმოვიდა. ის ჩვენთან ერთწლიანი იჯარით კოლხეთიდან ითამაშებს“, - ნათქვამია კლუბის განცხადებაში.

როგორც ცნობილია, გეორგიის შეძენით ასევე დაინტერესებულნი იყვნენ „ბრისტოლ სიტი“, „ხეტაფე“, „ელჩე“, „გენგამი“ და „ესპანიოლი“.

შეგახსენებთ, რომ აბუაშვილი პორტუგალიურმა კლუბმა „პორტუმ“ 18 წლის ასაკში თბილისის „დინამოდან“ შეიძინა, თუმცა ფეხბურთელის კარიერა პორტუგალიაში არ გამოუვიდა. რუმინულ გუნდ „პეტროლულში“ ხანმოკლე პერიოდის შემდეგ, ის საქართველოში დაბრუნდა და ფორმაში ჩადგომა ფოთის „კოლხეთში“ შეძლო.

ავტორი: ექსპრესნიუსი,

სოციალური ქსელები

სარკოზის ციხიდან გაათავისუფლებენ

რუსი ჩინოვნიკების სამმა მეოთხედმა ნათესავები ძალაუფლების თანამდებობებზე დანიშნა

საქართველოს ბანკმა PWM/The Banker-ისგან ქვეყანაში საუკეთესო პერსონალური საბანკო მომსახურების ჯილდო მიიღო

სამტრედია-გრიგოლეთის დამაკავშირებელ მაგისტრალზე, ხიდის ჩანგრევის საქმეზე ყოფილ მაღალჩინოსნებს ბრალდება წაუყენეს