მე დღეს მოვედი აქციაზე „ეს შენ გეხება“, იმიტომ, რომ ზუსტად ვიცი, ის რაც ჩვენს ქვეყანაში ხდება მე მეხება, - ამის შესახებ „თავისუფალი დემოკრატების“ წევრმა ნინო გოგუაძემ ჟურნალისტებს განუცხადა.

როგორც გოგუაძემ აღნიშნა, როდესაც ადამიანებს სიკვდილისთვის იმეტებენ, ეს საზოგადოებას ეხება.

„როდესაც ადამიანებს ტერორისტულ აქტს უწყობენ, ეს მე მეხება, როდესაც საზოგადოებას ატერორებენ, ეს მე მეხება. ჩვენ ყველანი შევიკრიბეთ იმის სათქმელად, რომ ვინც არ უნდა იყოს ის მანიაკი, რომელიც ასე ექცევა ადამიანებს, მას ეს არ გაუვა. საზოგადოება არ არის ბრბო, საზოგადოება ყოველთვის გაიმარჯვებს“, - განაცხადა ნინო გოგუაძემ.

ცნობისთვის კამპანიის „ეს შენ გეხება“ საპროტესტო აქციის მონაწილეები მსვლელობით მთავრობის ადმინისტრაციის შენობასთან მიემართებიან. სამოქალაქო სექტორის მთავარი მოთხოვნაა, პირადი ცხოვრების ამსახველი ვიდეოკადრების გავრცელების საქმის გამოძიება, საერთაშორისო ექსპერტების ჩართვა, კანონმდებლობის გამკაცრება და სამართალდამცველთა შესაძლო დანაშაულის შესასწავლად დამოუკიდებელი მექანიზმის შექმნა.

აქციაზე 300 ზე მეტი ადამიანია შეკრებილი. მობილიზებულია პოლიცია. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ