მოლდოვაში საპარლამენტო არჩევნები 28 სექტემბერს ჩატარდება. ამის შესახებ გადაწყვეტილება მოქმედმა პარლამენტმა დაამტკიცა.

მოლდოვის მომავალი არჩევნები გადამწყვეტი იქნება ქვეყნისთვის, გამომდინარე იქიდან, რომ არის საფრთხე პრეზიდენტ მაია სანდუს პროევროპულმა პარტიამ საკანონმდებლო ორგანოში ადგილები დაკარგოს. ამან კი შესაძლოა, მოლდოვის პოლიტიკური ლანდშაფტი მნიშვნელოვნად შეცვალოს.

პარლამენტის სპიკერის იგორ გროსუს განცხადებით, სექტემბრის არჩევნები იქნება გადამწყვეტი ქვეყნის მომავლის ფორმირების პროცესში.

სანდუს პარტიის მთავარი მოწინააღმდეგე ყოფილი გენერალური პროკურორი, პრორუსული პარტიის ლიდერი ალექსანდრ სტოიანოგლოა, რომელიც გასული წლის საპრეზიდენტო არჩევნებში მხოლოდ მცირე სხვაობით დამარცხდა პროევროპელ მაია სანდუსთან.

2024 წელს 50.46% და 49.54% - სხვაობა 12 ათასი ხმა - შედეგების სრულად დათვლის შემდეგ, მოლდოვის რეფერენდუმში ევროკავშირის შესახებ პროევროპულმა მხარემ, რომელსაც მხარს უჭერდა მოქმედი პრეზიდენტი და მთავრობა, იმაზე მცირე სხვაობით მოიგო, ვიდრე ამას წინასწარი გამოკითხვები აჩვენებდა.

რეფერენდუმში მოლდოველებს ჰკითხეს, სურთ თუ არა კონსტიტუციაში ჩაიწეროს მუხლი ევროკავშირის წევრობის შესახებ.

სოციოლოგიური გამოკითხვები რეფერენდუმამდე პროევროპელების უფრო დამაჯერებელი სხვაობით გამარჯვებას ვარაუდობდნენ.

რეფერენდუმი გაიმართა საპრეზიდენტო არჩევნებთან ერთად. მოლდოვაში 3 ნოემბერს გამართულ საპრეზიდენტო არჩევნებში პროდასავლელმა კანდიდატმა მაია სანდუმ გაიმარჯვა. გადამწყვეტი საპრეზიდენტო არჩევნების მეორე ტურში სანდუმ ხმების 55%-ით დაამარცხა პრორუსულად განწყობილი, მოლდოვის ყოფილი გენერალური პროკურორი ალექსანდრ სტოიანოგლო, რომელმაც ხმების 45% მიიღო.

მოლდოველი პოლიტიკის ანალიტიკოსი დიონის ჩენუზა წერს, რომ რეფერენდუმით მოლდოველების ნაწილმა პრეზიდენტის პოლიტიკის წინააღმდეგ გამოხატა პროტესტი და ეს შედეგები ნაკლებად ასახავს მოლდოვურ საზოგადოებაში ევროკავშირის წევრობის მხარდაჭერის კლებას.

ჩენუზა განმარტავს, რომ რეფერენდუმი ეხებოდა არა ევროკავშირის წევრობას, არამედ მის შესახებ კონსტიტუციაში ჩანაწერის გაჩენას.

„ევროკავშირში ინტეგრაცია უმრავლესობის გეოპოლიტიკური არჩევანია, მაშინ, როცა რეფერენდუმის შოკი უფრო მეტად პროტესტი იყო სანდუს წინააღმდეგ, რასაც თან ახლდა რუსული საინფორმაციო მანიპულაცია და უცხო ქვეყნის საქმეებში ჩარევა“, - წერს ჩენუზა X-ზე.

BBC-მ გამოაქვეყნა კადრები, სადაც რუსულენოვანი ამომრჩეველი ჰყვება, როგორ დაჰპირდა უცხო კაცი რეფერენდუმში ხმის სანაცვლოდ 1000 რუბლს (28 ლარი), შემდეგ კი აღარ გამოჩნდა.

ანალიტიკოსები თვლიან, რომ პროევროპული მხარის მცირე სხვაობით გამარჯვების მიუხედავად, რეფერენდუმის შედეგები გაურკვევლობას გამოიწვევს.

„რეფერენდუმზე [კონსტიტუციური ჩანაწერის სასარგებლოდ] 60%-ის მხარდაჭერა იყო საჭირო არა მხოლოდ საკონსტიტუციო ცვლილებისთვის, არამედ პრორუსული ძალების “მისაშამათებლად”. არასათანადოდ მაღალი შედეგი, 50%, რუსეთის მიერ ჰიბრიდული ომის არსენალს გააძლიერებს“, - უთხრა მედიას ლაურენტიუ პლესკამ, მოლდოველმა პოლიტიკის ანალიტიკოსმა.

ავტორი: ექსპრესნიუსი,

სოციალური ქსელები

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“

მარიამ მეყანწიშვილი - არცერთმა არ აღაირა ის, რაც არ ჩაუდენიათ, თქვენთვის ვიბრძოლებ გარედან