“თავისუფლება სინდისის პატიმრებს”, - ამ შეძახილებით სტუდენტებმა ბათუმში შოთა რუსთაველის სახელობის სახელმწიფო უნივერსიტეტის შენობასთან აქცია გამართეს, შემდეგ კი ქუჩებში მსვლელობა მოაწყვეს.

შეკრებილები მიმდინარე აქციების პერიოდში დაკავებულების დროულ გათავისუფლებას ითხოვენ. ისმოდა შეძახილები “საქართველო ადექი”.

აქციის მონაწილეები, სიმბოლურად გამოცემა “ბათუმელების” ოფისთან მივიდნენ, სადაც მზია ამაღლობელის კოლეგებს სოლიდარობა გამოუცხადეს.

“გათავისუფლდნენ უკანონო პატიმრები, გამოდით გარეთ, ქვეყანა უფსკრულში მიჰყავთ. მივმართავთ ხელისუფლებას, გეშინოდეთ ხალხის ძალის, მოუსმინეთ ხალხის ხმას, ყველგან პოლიციაა და არსად სამართალი, ხალხი ითხოვს სამართალს”,- სკანდირებენ სტუდენტები

საპროტესტო აქციის მონაწილეები საქართველოს საკონსტიტუციო სასამართლოსთან გადაინაცვლებენ, სადაც ყოველდღიურ საპროტესტო აქციებს მოქალაქეები მართავენ.

ავტორი: ექსპრესნიუსი,

სოციალური ქსელები

ევროკავშირი ოკუპირებულ ცხინვალში ჩატარებულ ე.წ. საპრეზიდენტო არჩევნებს არ აღიარებს

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა