15 მარტს ერგნეთში, მავთულხლათების გავლების საკითხთან დაკავშირებით შეხვედრა გაიმართება

2016-03-14 14:26:06, 394 ნახვა

პოლიტიკა

სოფელ ერგნეთში 15 მარტს ინციდენტების პრევენციისა და მათზე რეაგირების მექანიზმის ფარგლებში მორიგი - 64-ე შეხვედრა გაიმართება.

როგორც „ექსპრესნიუსს“ შერიგებისა და სამოქალაქო თანასწორობის საკითხებში სახელმწიფო მინისტრის აპარატიდან აცნობეს, შეხვედრის მონაწილეები განიხილავენ უკანასკნელი შეხვედრის შემდგომ პერიოდში მომხდარ ინციდენტებს, ადამიანის უფლებების დარღვევის ფაქტებსა და დღის წესრიგით გათვალისწინებულ სხვა საკითხებს.

ასევე, დღის წესრიგშია, ბანერების დაყენებისა და გამყოფ ხაზზე მავთულხლართების გავლების შედეგად მოსახლეობისთვის შექმნილი პრობლემები.

ცნობისთვის, ინციდენტების პრევენციისა და მათზე რეაგირების მექანიზმის ფარგლებში მიმდინარე შეხვედრებზე ქართულ მხარეს შერიგებისა და სამოქალაქო თანასწორობისსაკითხებში სახელმწიფო მინისტრის აპარატი და სახელმწიფო უსაფრთხოების სამსახური წარმოადგენენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან