დიდი ბრიტანეთის ელჩი ალექსანდრა ჰოლ ჰოლი, 2016 წლის 14 მარტს პანკისელ ახალგაზრდებს და ქალბატონებს საელჩოში უმასპინძლებს.  როგორც "ექსპრესნიუსს" საელჩოდანა ცნობეს, ელჩთან ერთად ღონისძიებას თავდაცვის მინისტრი თინა ხიდაშელი და სახელმწიფო მინისტრი ევრო-ატლანტიკური ინტეგრაციის საკითებში დავით ბაქრაძე დაესწრებიან.

პანკისელი სტუმრები, არიან მონაწილეები პროექტისა: „პანკისელი ახალგაზრდებისთვის შესაძლებლობების გაძლიერება“, რომელსაც დიდი ბრიტანეთის მთავრობის ხელშეწყობის შედეგად ახორციელებს „კახეთის რეგიონალური განვითარების ფონდი“ და „უსაფრთხოებისა და განვითარების ცენტრი“. პროექტის მიზანია პანკისელი ახალგაზრდების ჩართვა სხვადასხვა ტიპის აქტივობებში. პროექტში 120-ზე მეტი ახალგაზრდა იღებს პროფესიულ განათლებას (8 სხვადსხვა სოფელში). 

„მოხარული ვარ ვუმასპინძლო პანკისელ სტუმრებს საელჩოში. ეს პროექტი, რომელსაც ბრიტანეთის კონფლიქტების მოგვარების, სტაბილურობისა და უსაფრთხოების ფონდიდან ვუჭერთ მხარს, არა მხოლოდ მნიშვნელოვანია, არამედ მას აქვს პოტენციალი ამ ახალგზრდების ცხოვრება შეცვალოს. ვინაიდან ეს  ულამაზესი მხარე, პანკისის ხეობა ცოტა იზოლირებულია დანარჩენი საქართველოსგან, ძალიან მნიშვნელოვანია იქ მცხოვრებ ხალხთან უფრო მჭიდრო კავშირის დამყარება, განსაკუთრებით ახალგაზრდებთან და მათთვის სხვადასხვა შესაძლებლობების შეთავაზება: განათლების, სპორტის თუ გართობის კუთხით. დღეს საელჩოში, ჩვენ მათთან განათლების მიმართულებით არსებულ შესაძლებლობებზე ვისაუბრებთ“,-განაცხადა დიდი ბრიტანეთის ელჩმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ