„რა თქმა უნდა შედეგები ნამდვილად არ არის სახარბიელო, მაგრამ ამ ეტაპზე უკეთესის მოლოდინი ნამდვილად არ იყო“, - ამის შესახებ განათლებისა და მეცნიერების მინისტრმა თამარ სანიკიძემ გავრცელებულ ინფორმაციასთან დაკავშირებით განაცხადა, რომლის თანახმადაც, სკოლის მასწავლებლების 83%-მა პროფესიული გამოცდის მინიმალური ზღვარი ვერ გადალახა.

სანიკიძის განმარტებით, მსგავსი პრობლემა წინა წლებშიც იყო, რის გამოც სახელმწიფომ ახალი სისტემა შექმნა, რომლის ფარგლებშიც ყველა მასწავლებელს  გადამზადების საშუალება ექნება.

 „ეს სისტემა ამოქმედდა 2015 წლის სექტემბრიდან. პირველად სისტემის ფარგლებში 2016 წლის ზამთარში ტესტირება ჩატარდა. ჩვენ უნდა ვიცოდეთ ისიც, რომ ტესტის ჩაბარების უფლება მასწავლებელს აქვს კიდევ სამი წლის განმავლობაში და წელიწადში ორჯერ, გადამზადების კვალდაკვალ ისინი შეძლებენ, რომ ჩააბარონ საგნობრივი ტესტი. საგულისხმოა ის ფაქტიც, რომ ჩვენ დაწვრილებით გავიარეთ შედეგები, და არის საკმაოდ დიდი რაოდენობა მასწავლებლებისა, რომლებსაც დააკლდათ ნახევარი, 1 ქულა, 2 ქულა, რომლებიც არიან პოტენციურად იგივე შემდეგ საგამოცდო სეზონზე გამოცდის ჩამბარებლები, ამიტომ, მდგომარეობა სახარბიელო არ არის, მაგრამ არც ისე სავალალო მდგომარეობაში ვართ, მითუმეტეს იმ ფონზე, როდესაც გამოსავალი სახელმწიფომ მოძებნა, სისტემა შეცვალა, გაუკეთა ორგანიზება და კოორდინირება ყველა საერთაშორისო ორგანიზაციისა, თუ დონორის მიერ ამ კუთხით განსახორციელებელ აქტივობებს.

ჩვენ ვიცით, რომ მილენიუმის კომპაქტის ერთ-ერთი ძალიან მნიშვნელოვანი კომპონენტი 16 მილიონი დოლარის ოდენობით მიმართულია მასწავლებლის მომზადებაზე, განსაკუთრებით საბუნებისმეტყველო და ტექნიკური მიმართულებებით, ასევე დაგეგმილია ყველა ის საჭირო ღონისძიება, რომელიც ამ წუთებშიც მიმდინარეობს, ხოლო როდესაც რაღაც ცვლილება ხდება, შედეგები მეორე დღეს არ გვიდგება. აქედან გამომდინარე, მივყვებით იმ გეგმას, რომლის ფარგლებშიც ჩვენ ვუზრუნველყოფთ შესაბამის მხარდაჭერას მასწავლებლების, რომ მათ 3 წლის განმავლობაში უპასუხონ იმ გამოწვევებს და მოთხოვნებს, რომლებიც მათ სახელწმიფომ დაუსახა“, - განაცხადა  თამარ სანიკიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია