2024 წლის დეკემბერში შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს უფროსმა, პოლკოვნიკმა ირაკლი შაიშმელაშვილმა, თანამდებობა დატოვა და მოგვიანებით ოჯახთან ერთად საქართველო დატოვა.

თავის განცხადებაში მან აღნიშნა, რომ გადადგომის მიზეზი იყო “ოჯახური პირობები”. სამსახურის დატოვების შემდეგ, შაიშმელაშვილმა გააკეთა რამდენიმე განცხადება, სადაც ისაუბრა შსს-ს შიდა პროცესებზე და შესაძლო ზეწოლაზე. ყოფილი მაღალჩინოსანის თქმით, გადადგომის გადაწყვეტილების შემდეგ მას და მის ოჯახს ემუქრებოდნენ, მათ შორის ფიზიკური ანგარიშსწორებით და ლიკვიდაციით. როგორც შაიშმელაშვილმა აღნიშნა, ერთ-ერთი მუქარა შეეხებოდა მისი შვილის ლიკვიდაციას.

ყოფილი პოლკოვნიკი იუწყება, რომ გდდ-ის ერთ-ერთი მოადგილის, მირზა კეზევაძის მხრიდან ფიზიკური თავდასხმის მსხვერპლიც გახდა.

ირაკლი შაიშმელაშვილმა, ზვიად ხარაზიშვილზეც ისაუბრა და აღნიშნა, რომ  ზვიად ხარაზიშვილის (იგივე “ხარება”) გდდ-ში მისვლის შემდეგ პოლიციელების მაიდენტიფიცირებელი ნიშნების გამოყენება აიკრძალა. ყოფილი მაღალჩინოსანის თქმით, ეს ართულებდა სამართალდამცველების იდენტიფიცირებას და ხელს უწყობდა დაუსჯელობას.მისივე თქმით, შესაძლოა, ზვიად ხარაზიშვილი პირდაპირ ბიძინა ივანიშვილისგან იღებდეს დავალებებს.

ირაკლი შაიშმელაშვილის მტკიცებით, გდდ უკვე ორი წელია არ იყენებს აშშ-ის მიერ გადმოცემულ შორი ხედვის სადაზვერვო ტექნიკას, რაც ართულებს საოკუპაციო ხაზთან ეფექტურ მონიტორინგს. შაიშმელაშვილის  თქმით, ამ ტექნიკის გამოყენების შემთხვევაში, შესაძლოა, გარკვეული ინციდენტების თავიდან აცილება ყოფილიყო შესაძლებელი.

ამ განცხადებებს გამოეხმაურა პრემიერ-მინისტრი ირაკლი კობახიძე, რომელმაც შაიშმელაშვილი “შარლატანად” მოიხსენია და აღნიშნა, რომ ის არ იყო მაღალჩინოსანი, არამედ მუშაობდა გდდ-ის 17 სტრუქტურული ერთეულიდან ერთ-ერთში. კობახიძის თქმით,

“ერთი შარლატანი მრავალათასიან სტრუქტურაში ჩვეულებრივი მოვლენაა”- განაცხადა კობახიძემ.

ირაკლი შაიშმელაშვილის განცხადებებმა საზოგადოებაში დიდი გამოხმაურება და დისკუსია გამოიწვია, განსაკუთრებით შსს-ს შიდა პროცესებისა და უსაფრთხოების საკითხების მიმართ. ამ დრომდე შსს-ს მხრიდან ოფიციალური კომენტარი არ გაკეთებულა.

შინაგან საქმეთა სამინისტროს განსაკუთრებულ დავალებათა დეპარტამენტის (გდდ) ოპერატიული დაგეგმვის სამმართველოს ყოფილი უფროსი, ამჟამად აშშ-ში იმყოფება. მან საქართველო ოჯახთან ერთად 2024 წლის 23 დეკემბერს დატოვა. მისი თქმით,  საქართველოში სამართლის პოვნა გაუჭირდებოდა, რის გამოც ქვეყნის დატოვება გადაწყვიტა.

შაიშმელაშვილი მზადყოფნას გამოთქვამს, გააგრძელოს რეჟიმის მხილება და იმედოვნებს, რომ მისი საბოლოო გაჩერება კვლავ საქართველო იქნება.

ავტორი: ექსპრესნიუსი,

სოციალური ქსელები

ირაკლი კობახიძე - ტრამპის ადმინისტრაციამ მიიღო გადაწყვეტილება, რომელიც გულისხმობს ყველა დაფინანსების გაჩერებას, რაც მიმართულია საქართველოში არეულობისკენ

ირაკლი კობახიძე - მზია ამაღლობელის პატიმრობაზე პასუხისმგებლობა უნდა იგრძნონ იმ ადამიანებმა, რომლებიც საქართველოში ახალისებდნენ ძალადობას, მათ შორის არიან უცხოელი ჩინოვნიკები და დიპლომატები

ევროკავშირის წარმომადგენლობა - ჩვენი საერთო დემოკრატიული ღირებულებების დაცვის გამო არავინ არ უნდა ისჯებოდეს

ბორჯღალოსნები იწყებენ - წლის პირველი მატჩები „ავჭალაზე“