საქართველოს ახალგაზრდულმა ნაკრებმა რიეკაში 21-წლამდე ევრო 2025-ის პლეი ოფის საპასუხო მატჩი ხორვატიასთან გამართა და პენალტების სერიაში გაიმარჯვა.

15 ნოემბერს თბილისში გამართული შეხვედრა „ჯვაროსნებმა“ 1:0 მოიგეს და განმეორებითში გამარჯვების შემთხვევაში, რამაზ სვანაძის გუნდი ევროპის ჩემპიონატზე ზედიზედ მეორედ ითამაშებდა.

მატჩი ხორვატების უპირატესობით დაიწყო და მე-10 წუთზე დიონ ბელიომ ანგარიში გახსნა. 28-ე წუთზე ლუკა გაგნიძემ გაიბრწყინა, საჯარიმოსთან სიახლოვიდან ულამაზესი დარტყმით ანგარიში გაათანაბრა – 1:1.

შესვენების შემდეგ კიდევ სამი გოლი გავიდა. ხორვატები 63-ე წუთზე დიონ ბელიოს პენალტით ისევ დააწინაურდნენ, მაგრამ 78-ე წუთზე ნოდარ ლომინაძემ ანგარიში კვლავ გაათანაბრა. 90+1-ე წუთზე მასპინძლები მარინ სოტიჩეკმა კვლავ წინ გაიყვანა. ვინაიდან ორი მატჩის ჯამში ანგარიში 3:3 იყო, დაინიშნა დამატებითი ექსტრა-ტაიმები.

გამარჯვებული ვერც დამატებით დროში გამოვლინდა, პენალტების სერია კი უკეთ საქართველოს ნაკრებმა შეასრულა. მეკარე ლუკა ხარატიშვილმა ორი თერთმეტმეტრიანი მოიგერია და საქართველოს ევროპის ჩემპიონატის საგზური მოუტანა.

"პირველი არხი"

ავტორი: ექსპრესნიუსი,

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა