აჭარის ა/რ ჯანმრთელობისა და სოციალური დაცვის სამინისტრომ 2016 წლის პროგრამების პრეზენტაცია ხულოს მუნიციპალიტეტში გამართა.

სამინისტროს ინფორმაციით, პროგრამები მინისტრმა ნუგზარ სურმანიძემ და მინისტრის პირველმა მოადგილემ ლევან გორგილაძემ წარადგინეს. შეხვედრას ესწრებოდნენ სოფლის ექიმები, თემის სამედიცინო პუნქტის მედდები, ხულოს რაიონული საავადმყოფოს წარმომადგენლები და რწმუნებულები.

შეხვედრაზე დამსწრე საზოგადოებას დეტალური ინფორმაცია მიეწოდება მოქმედი პროგრამების, მოსარგებლეებისა და დაფინანსების წესის შესახებ. შეხვედრის მიზანია სამინისტროს პროგრამების შესახებ საზოგადოების მეტი ინფორმირება.

„2016 წელს აჭარის ა/რ ჯანმრთელობისა და სოციალური დაცვის სამინისტრო 7 პროგრამას, 20 ქვეპროგრამას ახორცილებს. სამინისტროს 2016 წლის პროგრამული ბიუჯეტი 11,306,170 ლარს შეადგენს.

2015 წელთან შედარებით უწყების ფინანსური დოკუმენტი 5,191,142 ლარით გაიზარდა და საერთო ჯამში შეადგენს 14, 057, 940 ლარს.

ნაზარდი ჯამიდან 1,539,000 ლარი დაემატა ჯანმრთელობის დაცვის პროგრამებს, 172,000 ლარით გაიზარდა სოციალური დაცვის პროგრამების დაფინანსება. 198,000 ლარით გაიზარდა დასაქმების სააგენტოს, ხოლო 231,000 ლარით საზოგადოებრივი ჯანდაცვის ცენტრის დაფინანსებები.

ცალკე პროგრამად გამოიყო ონკოლოგიურ პაციენტთა ძვირადღირებული სამედიცინო მომსახურება. დაიწყება საყოველთაო ჯანმრთელობის დაცვის სახელმწიფო პროგრამით დაფინანსებული სამედიცინო მომსახურების თანაგადახდა მკვეთარდ გამოხატული შშ სტატუსის მქონე პირების, შშ სტატუსის მქონე ბავშვების; ასკით პენსიონერების და 0-დან 6 წლამდე ასკის ბავშვებისათვის (რომელთა სარეიტინგო ქულა შეადგენს 200 000-ს). სამინისტრო წელს პირველად 10 000 ლარის ოდენობით აფინანსებს ღვიძლის ტრანსპლანტაციის ოპერაციას.

ამოქმედდა ბავშვთა ადრეულ განვითარების ახალი პროგრამა. ინდივიდუალური სამედიცინო დახმარების პროგრამას ბენეფიციარებად დაემატა ტრეფიკინგისა და ძალადობის მსხვერპლი ქალები და მარტოხელა მშობლები. 3,000,000 მილიონი ლარი გამოიყო ეკომიგრანტი ოჯახებისათვის საცხოვრებელი ფართების შესაძენად, დაგეგმილია 115 საცხოვრებელი სახლის შეძენა.

გრძელდება ჯანმრთელობის, სოციალური დაცვის, საზოგადოებრივი ჯანდაცვის და დასაქმების დააგენტოს 2015 წელს მოქმედი ყველა პროგრამა.

სამინისტროს დაგეგმილი აქვს მაღალი გამავლობის ავტომანქანების შეძენა ქობულეთისა და ხელვაჩაურის პირველადი ჯანდაცვის ცენტრებისათვის.

2015 წელს სამინისტროს ბიუჯეტიდან ხულოს მუნიციპალიტეტის მოსახლეობისათვის გაიხარჯა 566 623 ლარი, პროგრამებით ისარგებლა 828-მა ადგილობრივმა“, - ნათქვამია აჭარის ჯანდაცვის სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები