ზუგდიდის მუნიციპალიტეტის გამგებლის მოადგილე გიზო სართანია და სოციალური დაცვის განყოფილების უფროსი გოგი რევია, ორსანტიის ადმინისტრაციულ ერთეულში სოფლის სახლის გახსნას დაესწრნენ. 
როგორც „ექსპრესნიუსს“ ზუგდიდის მუნიციპალიტეტის გამგეობიდან აცნობეს, ორსანტიის სოფლის სახლი აგრონომიულ და ვეტერინალურ საკონსულტაციო-საინფორმაციო ცენტრის ფუნქციას შეასრულებს. პროექტის მიზანი, სოფლის მეურნეობის განვითარების ხელშეწყობაა კოკისა და ორსანტიის თემში, პროექტი ქალთა აქტიური მონაწილეობით ხორციელდება.

მათივე ინფორმაციით, სოფლის სახლში დასაქმებულია: მენეჯერი, აგრონომი და ვეტერინარი. პროექტის ფარგლებში დაგეგმილია სხვადასხვა აქტივობები, ტრენინგები, კონსულტაციები და მონაცემთა ბაზის შექმნა.
ორსანტიის სოფლის სახლი ყოველდღე, შაბათ-კვირის გარდა 10 საათიდან 17 საათამდე იმუშავებს და მოსახლეობას უფასო კონსულტაციებს გაუწევს.

როგორც გამგებლის მოადგილემ გიზო სართანიამ მოსახლეობას მიმართა, მუნიციპალიტეტის გამგეობა ყოველთვის მხარს დაუჭერს მსგავს პროექტებს და მიესალმება ამგვარ წამოწყებას,

 ,,ჩვენ არასდროს უკან არ დაგვიხევია, როცა ჩვენი დახმარება მოსახლეობას სჭირდებოდა და მომავალშიც ასე გაგრძელდება. ჩვენ ყოველთვის მზად ვართ მივიღოთ თანამონაწილეობა ისეთ პროექტებში, რომელთა განხორციელებაც ჩვენი მოქალაქეებისთვის სასიცოცხლოდ მნიშვნელოვანია. მინდა წარმატებები გისურვოთ მომავალ საქმიანობაში და ყოველთვის გქონდეთ ჩვენი თანადგომის იმედი“ - განაცხადა გიზო სართანიამ.
სოფლის სახლის გახსნა ქალთა საინფორმაციო ცენტრის მხარდაჭერით და მისი პროექტის ფარგლებში განხორციელდა.
სოფლის სახლის პრეზენტაციას ქალთა საინფორმაციო ცენტრისა და სოფლის მეურნეობის სამინისტროს რეგიონული სამმართველოს წარმომადგენლები და და სოფლის მაჟორიტარი დეპუტატი ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკი - საქართველოს ეროვნული ოლიმპიური ნაკრების მთავარი სპონსორი

დიდი ბრიტანეთი და საფრანგეთი ამზადებენ ბატალიონს, რომელიც ზავის შემდეგ უკრაინაში უნდა შევიდეს

რომელ პროფესიულ აკადემიებში შეგიძლია ისწავლო საქართველოს ბანკის სტიპენდიით

„ბიოგრაფი ლივინგის“ საცხოვრებელ პროექტში „ჰისნი“ ბინების გაყიდვები იწყება