27 ივლისს პარიზის ოლიმპიურ თამაშებზე ძიუდოს ტურნირი დაიწყო. მსოფლიოს მოქმედმა ჩემპიონმა გიორგი სარდალაშვილმა (60 კგ) თამაშებზე პირველი გამარჯვება მოიპოვა და მეოთხედფინალში გავიდა. 21 წლის ქართველმა სპორტსმენმა ისრაელის წარმომადგენელი იამ ვოლჩაკი დაამარცხა.

წინასწარი შეხვედრები თბილისის დროით 12:00 საათზე დაიწყო. ფინალური ბლოკი 18:00 საათზე გაიმართება, იუწყება რადიო თავისუფლების ქართული სამსახური.

საქართველოს დელეგაციას ყველაზე მეტი ძიუდოისტი ჰყავს - 10 სპორტსმენი, მათგან 3 ქალი. ძიუდოს ნაკრების სპორტსმენების უმეტესობა ოლიმპიური თამაშების, მსოფლიო და ევროპის ჩემპიონატების მედალოსანია. ვაჟთა გუნდს ჰყავს 2 ოლიმპიური ჩემპიონი (ლაშა ბექაური, ტოკიო 2020 და ლაშა შავდათუაშვილი - ლონდონი 2012), მსოფლიოს 4 და ევროპის 6 ჩემპიონი.

ძიუდოს ტურნირი 2 აგვისტოს დასრულდება.

3 აგვისტოს პარიზის ოლიმპიურ თამაშებზე შერეული გუნდური შეჯიბრებები გაიმართება, რომელშიც საქართველოს ნაკრები ისტორიაში პირველად მიიღებს მონაწილეობას.

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით