ანსამბლი "ბეთლემის" 20 წლის საიუბილეო საღამო აჭარის სიმღერისა და ცეკვის სახელმწიფო აკადემიურ ანსამბლ "არსიანის" საკონცერტო დარბაზში გაიმართა. ამის შესახებ ინფორმაციას ქედის მუნიციპალიტეტის მერია ავრცელებს.

მერიის ცნობით, ანსამბლი 2004 წელს ჩამოყალიბდა, რომელსაც იმედა ფარტენაძე და ნოდარ კახიძე ხელმძღვანელობდა.

„ანსამბლის ქორეოგრაფები დღემდე იმედა ფარტენაძე და მზია ტუნაძეა.

ანსამბლი "ბეთლემი" აქტიურად მონაწილეობდა ქართულ ხალხური და მსოფლიო ცეკვების საერთაშორისო ფესტივალში, როგორც საქართველოში, ასევე უკრაინაში, თურქეთში, აზერბაიჯანში და რუმინეთში. ანსამბლს არაერთი ჯილდო, სიგელები, დიპლომები და თასი აქვს მიღებული.

"ბეთლემმა" წარმატებით გაიარა საქართველოს კულტურისა და ძეგლთა დაცვის სამინისტროს მიერ ჩატარებული სერთიფიცირება და მიიღო შესაბამისი სერტიფიკატი.

ანსამბლი "ბეთლემი" 2016 წლის საქართველოს ფოლკლორის ეროვნული ფესტივალის ლაურეატი გახდა.

საიუბილე საღამოზე ანსამბლი "ბეთლემი" "სახალხო ანსამბლის წოდებით" დაჯილდოვდა. ჯილდო საქართველოს ქორეოგრაფიული კავშირის თავმჯდომარე კახაბერ მარკოიშვილმა გადასცა.

ღონისძიებაში მონაწილეობდა ანსამბლი "ბეთლემი", ქედის კულტურის ცენტრთან არსებული მუსიკალური ბენდი, ხატია დიასამიძე და ანსამბლ "ბეთლემის" უხუცესი წევრები.

საიუბილეო საღამოს ქედის მუნიციპალიტეტის მერის პირველი მოადგილე იმედა ვასაძე, მაჟორიტარი დეპუტატი უმაღლეს საბჭოში ფრიდონ ფუტკარაძე, საქართველოს ქორეოგრაფიული კავშირის თავმჯდომარე კახაბერ მარკოიშვილი, აჭარის ქორეოგრაფიული კავშირის თავმჯომარე გენო ჭელიძე, საერთაშორისო ფესტივალების ორგანიზაცია "ბათუმი Black Sea" დირექტორი ანზორ დევაძე, ქედის კულტურის ცენტრის ხელმძღვანელი ჯამბულ სურმანიძე ესწრებოდნენ”, - ნათქვამია ქედის მუნიციპალიტეტის მერიის ინფორმაციაში. 

ავტორი: NS (სტატია დაფინანსებულია),

სოციალური ქსელები

კობახიძე ირწმუნება რომ ხალხს საავადმყოფოებში მასობრივად არ მიუმართავთ ამიტომ ისინი არ მოწამლულან

ოცნების პრემიერი BBC-ს საგამოძიებო ფილმის შექმნას კვლავ უცხო ქვეყნების სპეცსამსახურებს აბრალებს, მაგრამ რომეს არ აკონკრეტებს

ქლორობენზილიდინ მალონონიტრილი დიდი დოზებით კი იწვევს კანის დამწვრობას, რაც ზოგჯერ იწვევს სასუნთქი გზების დამბლას, გულის გაჩერებას და სიკვდილს

ლაშა შერგელაშვილი - როდესაც BBC-ის გამოძიებაში მონაწილეობა შემომთავაზეს გამაფრთხილეს რომ ამ ამბის გაშუქების შემდეგ აუცილებლად შეეცდებოდნენ ჩემს დისკრედიტაციას