დღეს საფეხბურთო სამყაროს ჩემპიონთა ლიგა უბრუნდება. მერვედფინალური ეტაპის პირველი ცენტრალური მატჩი პარიზში გაიმართება. პსჟ  „ჩელსის“ უმასპინძლებს.

ლონდონელები რევანშისთვის ემზადებიან. გუნდების შარშანდელი დრამატული დაპირისპირება პარიზში ფრედ 1:1 დასრულდა, „სტემფორდ ბრიჯზე“ კი 10 კაციანმა პსჟ–მ ბოლო წუთებში გაათანაბრა და საბოლოოდ 2:2–ის დაფიქსირება შეძლო და შესაბამისად, მეოთხედფინალში გავიდა.

პარიზელებს ლაზარეთიდან ორი მნიშვნელოვანი ფეხბურთელი, მარკო ვერატი და ხავიერ პასტორე, დაუბრუნდა. კარგი ამბებია „არისტოკრატთა“ ბანაკშიც,  კაპიტან ჯონ ტერის ტრავმა სერიოზული არ გამოდგა და იგი „პარკ დე ფრანსზე“ იასპარეზებს.

გუნდების ურთიერთშეხვედრებში მცირე უპირატესობას „ჩელსი“ ფლობს, ლონდონელებს 2, ხოლო პარიზელებს 1 მოგება აქვთ. 3 შემთხვევაში ფრე დაფიქსირდა.

კიდევ ერთ მერვედფინალურ მატჩში, ლისაბონის „ბენფიკა“ სანკტ–პეტერბურგის „ზენიტს“ უმასპინძლებს.

მერვედფინალური მატჩები ხვალაც გაგრძელდება. კიდევ ოთხი მერვედფინალური მატჩი კი მომავალ სამშაბათსა და ოთხშაბათს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ