2024-06-29 19:24:21, 703 ნახვა
სპორტი
"საქართველოს წარმატება პატარა ქვეყნებისთვის ისტორიული მომენტია" - UEFA-ს ბლოგი
"ახალი სახეები და მეტი სიურპრიზი: ევროპის ჩემპიონატი უფრო კონკურენტუნარიანი ხდება" - ამ სათაურით UEFA-ს ოფიციალურმა გვერდმა საქართველოს ეროვნული ნაკრების ევრო 2024-ის მერვედფინალში გასვლას ბლოგი მიუძღვნა. ამასთან, ბლოგის მთავარ ფოტოდ UEFA-მ ხვიჩა კვარაცხელიას და გიორგი მიქაუტაძის ერთობლივი ფოტო გამოიყენა. "EURO-2024-ის ჯგუფური ეტაპი ამაღელვებლად დასრულდა, რომლის შედეგებმაც ხაზი გაუსვა ევროპულ ფეხბურთში გუნდების სათამაშო დონის გათანაბრებას და იმას, რომ ტურნირი განვითარდა - მისცა შესაძლებლობა ბევრ გუნდს ევროპის ჩემპიონატზე საკუთარი კვალი დატოვონ. მათ შორის, ვინც ევრო 2024-ის მერვედფინალში თავისი გუნდის გასვლით გაიხარა, ქართველი გულშემატკივრების ხმა განსაკუთრებით ისმოდა - ისინი ზეიმობდნენ თავიანთ პირველ კვალიფიკაციას პლეიოფში, როცა პორტუგალია 2:0 დაამარცხეს. საქართველოს, რომელიც ევროზე პირველად თამაშობს, შეუერთდნენ დებიუტანტები სლოვენიიდან, ხოლო რუმინეთი პირველად 2000 წლიდან. ავსტრიამ, ამასობაში ტურნირის დაწყების წინ გაკეთებული პროგნოზები გააბათილა და სატურნირო ცხრილის სათავეში ურთულეს ჯგუფში მოექცა, რომელშიც საფრანგეთი, ნიდერლანდები და პოლონეთი შედიოდნენ. სულ უფრო არაპროგნოზირებადი ტურნირი ევრო 2024-ზე საქართველოსა და სლოვენიის წარმატებები არის ისტორიული მომენტი პატარა ქვეყნებისთვის, მაგრამ ასევე ევროპის ჩემპიონატის მზარდი კონკურენტუნარიანობის მაგალითია. 24-ვე გუნდმა დააგროვა სულ მცირე 1 ქულა, ხოლო საშუალო სხვაობა ქულებს შორის, იყო ყველაზე დაბალი ევრო-96-ის შემდეგ, მაშინ ტურნირში მონაწილეობას 16 გუნდი იღებდა. წელს მხოლოდ ესპანეთმა გაიმარჯვა 3-ჯერ გერმანიაში. თვითონ მატჩებიც სულ უფრო დაძაბული ხდება. უკრაინა, რომელიც საქართველოს მსგავსად ტურნირზე ერთა ლიგიდან მოხვდა, სამწუხაროდ, ვერ გავიდა ჯგუფიდან, რომელშიც ევროს ისტორიაში პირველად ოთხივე გუნდმა ქულების ერთნაირი რაოდენობა დააგროვა. თანაბარი სათამაშო შესაძლებლობები ევროპის ჩემპიონატზე გუნდების გაზრდამ ხელი შეუწყო ევროპულ ფეხბურთში კონკურენტუნარიანობის გაზრდას, რაც UEFA-ს მიზანს წარმოადგენდა. ერთა ლიგის შემოღება ხსნის არა მხოლოდ ახალ გზას ევროპის ჩემპიონატზე მოსახვედრად, არამედ უზრუნველყოფს რეგულარულ მატჩებს, რომლებისთვისაც ისტორიულად დიდი ძალისხმევით იბრძოდნენ პატარა ქვეყნები. საქართველოს ამჟამინდელი წარმატება არის უახლესი ნაბიჯი განვითარების პერიოდში, რომელშიც ერთა ლიგამ მნიშვნელოვანი როლი ითამაშა. ფინანსური მხარდაჭერა ასევე არის კიდევ ერთი საშუალება ევროპული ფეხბურთის გაძლიერების", - წერს UEFA. ავტორი: ექსპრესნიუსი, „ჰეზბოლა“ - ისრაელის წინააღმდეგ ომში ახალ და ესკალაციურ ფაზაზე გადავდივართ
პროექტი „ტყის მდგრადი მართვა ადიგენის მუნიციპალიტეტში - ფაზა II“ დასრულდა
ევროპული საბჭო - მთავრობის ქმედებები საფრთხეს უქმნის საქართველოს ევროპულ გზას და დე ფაქტო აჩერებს გაწევრიანების პროცესს
მერია - 20 ოქტომბერს „მგზავრების“ კონცერტი არ შედგება - ჯგუფმა ვერ გაუძლო იმ ბულინგს, რაც ლიბერალური ფაშიზმის წარმომადგენლებმა მოუწყვეს
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 675 800-მდე რუსი ჯარისკაცი მოკლეს
უმეროვი - ნორვეგია უკრაინას დაპირებულ F-16-ის ტიპის 6 ავიაგამანადგურებელს უახლოეს მომავალში გადასცემს
არჩევნები 2024
პრეზიდენტის ადმინისტრაციის უფროსი - მოვუწოდებთ ცესკოს, დაუყოვნებლივ მიიღოს გადაწყვეტილება სტრასბურგში საარჩევნო უბნის გახსნაზე
საზღვარგარეთ მყოფი ამომრჩევლებისთვის დამატებით 7 საარჩევნო უბანი შეიქმნა
ვიდეო/LIVE საქართველოს დამოუკიდებლობის დღე - პირდაპირი
|