აჭარის მთავრობის საერთაშორისო ურთიერთობათა დეპარტამენტსა და აჭარის სსიპ სატყეო სააგენტოში ევროკავშირის წევრი ქვეყნებიდან სპეციალისტების მივლინება იგეგმება.

აჭარის მთავრობის ადმინისტრაციის პრესსამსახურის ინფორმაციით,პროექტის ფარგლებში ორი წლის განმავლობაში აჭარის მთავრობის საერთაშორისო ურთიერთობათა დეპარტამენტში გერმანიიდან საერთაშორისო პროექტების მართვის სპეციალისტი იმუშავებს, რომელიც ადგილობრივ თანამშრომლებს საერთაშორისო პროექტების მართვის მიმართულებით რეკომენდაციებს მისცემს და ახალი პროექტების მოზიდვაში დაეხმარება.

ევროპელი სპეციალისტი ანალოგიური მიმართულებით იმუშავებს ასევე აჭარის სატყეო სააგენტოში. უცხოელი სპეციალისტების ანაზღაურებას გერმანული მხარე უზრუნველყოფს.

პროექტთან დაკავშირებით აჭარის ა/რ მთავრობის აპარატში გაიმართა შეხვედრა საქართველოში გერმანიის საელჩოს ტექნიკური თანამშრომლობის სამსახურის უფროსთან, დოქტორ კატარინა დერკორნთან. შეხვედრას ესწრებოდა აჭარის ა/რ საერთაშორისო ურთიერთობათა დეპარტამენტის უფროსი ხათუნა ნაყეური და აჭარის ა/რ გარემოს დაცვის სამმართველოს უფროსი ვახტანგ წულაძე.

მხარეებმა აჭარის ავტონომიური რესპუბლიკის მთავრობის აპარატის საერთაშორისო ურთიერთობათა დეპარტამენტის თანამშრომლობის ხელშეწყობის, მისი ინსტიტუციური გაძლიერების, ასევე, სატყეო მეურნეობის ეფექტურად მართვის საკითხებში საერთაშორისო ექსპერტების ჩართულობის მნიშვნელობაზე და ევროპული გამოცდილების ეფექტურად დანერგვის საკითხებზე ისაუბრეს.

უცხოელი ექსპერტების შერჩევა და აჭარის მთავრობის მუშაობის მხარდაჭერა იგეგმება გერმანიის საერთაშორისო თანამშრომლობის საზოგადოების (GIZ) მიერ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი ბრიტანეთი და საფრანგეთი ამზადებენ ბატალიონს, რომელიც ზავის შემდეგ უკრაინაში უნდა შევიდეს

რომელ პროფესიულ აკადემიებში შეგიძლია ისწავლო საქართველოს ბანკის სტიპენდიით

„ბიოგრაფი ლივინგის“ საცხოვრებელ პროექტში „ჰისნი“ ბინების გაყიდვები იწყება

LEAF და საქართველოს ბანკი საერთაშორისო განათლების რეგიონულ ტურს იწყებენ