2024-06-14 14:29:27, 748 ნახვა
რეგიონი
კასპის მუნიციპალიტეტის მერი და საკრებულოს თავმჯდომარე კასპელ მოჭიდავეებს შეხვდნენ
კასპის მუნიციპალიტეტის მერი ვახტანგ მაისურაძე და საკრებულოს თავმჯდომარე შოთა ბეგლარაშვილი ადგილობრივი თვითმმართველობის წარმომადგენლებთან ერთად კასპელ მოჭიდავეებს - სამბოს ეროვნული ნაკრების მწვრთნელს, კახა მამულაშვილს და საქართველოს ჩემპიონს თავისუფალ ჭიდაობაში გოდერძი ძებისაშვილს შეხვდნენ. ამის შესახებ ინფორმაციას კასპის მუნიციპალიტეტის მერია ავრცელებს.
მერიის ცნობით, ივნისში, სერბეთში ვეტერანთა შორის ძიუდოში ევროპის ჩემპიონატი მიმდინარეობდა, სადაც კახა მამულაშვილმა დამსახურებულად მოიპოვა პირველი ადგილი და 2024 წლის ევროპის ჩემპიონი გახდა, გოდერძი ძებისაშვილმა კი პარიზის ოლიმპიური თამაშების მონაწილის ლიცენზია მოიპოვა.
მათივე ინფორმაციით, ვახტანგ მაისურაძემ ორივე სპორტსმენს მადლობა გადაუხადა მიღწევებისთვის, სამომავლო წარმატებები უსურვა და მხარდაჭერა აღუთქვა.
ავტორი: NS (სტატია დაფინანსებულია),
epn.ge (@expressnews.ge)
