ნინო ნიჟარაძემ „მინისტრის საათის“ ფორმატში სამინისტროს საქმიანობის ანგარიში წარადგინა

2024-06-13 14:36:44, 828 ნახვა

რეგიონი

აჭარის ჯანმრთელობისა და სოციალური დაცვის მინისტრი ნინო ნიჟარაძე, "მინისტრის საათის" ფორმატში, აჭარის ავტონომიური რესპუბლიკის უმაღლესი საბჭოს რიგგარეშე სხდომაზე, სამინისტროს საქმიანობის ანგარიშით წარსდგა.

როგორც ნიჟარაძემ განაცხადა, 2023 წელს სამინისტროს ბიუჯეტი 48 249 500 ლარს შეადგენდა, უწყების ფინანსური დოკუმენტი 99,3 %-ით შესრულდა; 2024 წლის ბიუჯეტი გასული წლის ბიუჯეტთან მიმართებაში 18 020 000 ლარით გაიზარდა და 51 255 000 ლარს შეადგენს.

"სამინისტრო საქვეუწყებო დაწესებულებებთან ერთად ახორციელებს 36 პროგრამას.

2023-2024 წლებში აჭარაში მოსახლეობას ჯანმრთელობის, სოციალური დაცვის, საზოგადოებრივი ჯანდაცვის და დასაქმების მიმართულებით 103 432 ბენეფიციარს სხვადსხვა სახის სერვისი მიეწოდა.

2023 წელს განხორციელდა მნიშვნელოვანი პროგრამული სიახლეები:

ალკოჰოლის მიღებით გამოწვეული ფსიქიკური და ქცევითი აშლილობის სტაციონარული მომსახურება;
თვალის ბადურის მძიმე დაავადებების მკურნალობა ახალი თაობის პრეპარატებით;
შშმ მშობელთა და ორსულთა ერთჯერადი მატერიალური დახმარება;
სისხლში ტყვიის მაღალი ექსპოზიციის მქონე ბენეფიციართა საცხოვრებელი გარემოს შესწავლა;
მშობელთა სკოლა ორსულთა ფიზიკური და ფსიქოლოგიური ჯანმრთელობისათვის;
ახალშობილთა მეტაბოლური სკრინინგი;
სპორტსმენ ბავშვთა კარდიული სკრინინგი;
დასაქმებისა და თვითდასაქმების ხელშეწყობის პროგრამა სამუშაო იარაღებით უზრუნველყოფის გზით;
ინფორმაციულ ტექნოლოგიურ სფეროში დასაქმება-თვითდასაქმებისთვის საჭირო უნარების განვითარება.

ასევე, განხორციელდა არაერთი მნიშვნელოვანი პროგრამული სიახლეები როგორც ჯანმრთელობის, ასევე სოციალური დაცვის მიმართულებით.

2024 წელს დაგეგმილი სიახლეები:

დაიწყება გენეტიკური დაავადების მქონე, 18 წლამდე ასაკის ბავშვების გენურ პროფილირებასთან დაკავშირებული კვლევების დაფინანსება;
შშმ სტატუსის მქონე 30 წლამდე პირებს დაუფინანსდებათ სტომატოლოგიური სამედიცინო მომსახურება;
იგეგმება 100 წელს გადაცილებული მოქალაქეების ერთჯერადი დახმარების, ასევე, ახალშობილი ტყუპების ოჯახებზე დაფინანსების გაზრდა;
ამოქმედდება ახალი პროგრამა, რომელიც ითვალისწინებს 120 000-დან 150 000 ქულამდე სოციალურად დაუცველ ოჯახებში 16 წლამდე ასაკის ბავშვების ფინანსურ დახმარებას
“2008 წლის რუსული აგრესიისა და ავღანეთის სამშვიდობო მისიის (2007-2021 წწ) დროს დაღუპული და დაზიანების შედეგად შეზღუდული შესაძლებლობის სტატუსის მქონე მეომართა ოჯახების დახმარება” - პროგრამის ფარგლებში, გაიზარდა პროგრამის ბიუჯეტი, ბენეფიციარებისთვის გასაცემი თანხის მოცულობა და მოსარგებლე პირთა არეალი. კერძოდ, დედებსა და მეუღლეებს მარტის თვეში გაეწიათ დახმარება თითოეულს 5 000 ლარის ოდენობით, ხოლო, აგვისტოს თვეში ერთჯერადი მატერიალური დახმარება გაეწევა 32 მეომრის ოჯახს - თითოეულს 10 000 ლარის ოდენობით.
30%-ით გაიზარდა ავთვისებიანი სიმსივნით დაავადებულ პაციენტთა დამატებითი სამედიცინო მომსახურების პროგრამის ბიუჯეტი, ხოლო თითოეული პაციენტების დაფინანსების წლიური ლიმიტი 50 000 ლარამდე.
გაიზარდა სოფლის ექიმებისა და ექთნების დანამატი.
2023-2024 წლებში ტრანსპლანტაციები ჩაუტარდა 47 პაციენტს.
დაემატა ახალი პროგრამა -აჭარის მაღალმთიანი სოფლის მოსახლეობისა და მემთეურთა ავადობის კვლევა.
გაიზარდა "ეკომიგრანტი ოჯახების საცხოვრებლით უზრუნველყოფის პროგრამის" ფარგლებში სამინისტროს მხრიდან თანადაფინანსების წილი, ნაცვლად 40 000 ლარისა ეკომიგრანტი ოჯახები 50 000 ლარით ფინანსდებიან",- განაცხადა მინისტრმა.

ინფორმაციას აჭარის ჯანდაცვის სამინისტრო ავრცელებს.