ქედის მუნიციპალიტეტში კიდევ ერთი თავისუფალი სივრცე გაიხსნა. ამის შესახებ ინფორმაციას ქედის მერია ავრცელებს.

მერიის ცნობით, ფრიდონ ხალვაშის სახელობის ცენტრალურ პარკში, თავისუფალი სივრცე მუნიციპალიტეტის მერმა, როლანდი ბერიძემ და საკრებულოს თავმჯდომარემ, ამირან ცინცაძემ გახსნეს.

"ღონისძიების ფარგლებში მოეწყო შეჯიბრი სამაგიდო თამაშებში. ხანდაზმულთა კლუბის წევრებსა და ახალგაზრდებს მუნიციპალიტეტში გამართულ სხვაადასხვა ღონისძიებებში აქტიური მონაწილეობისათვის სიმბოლურად მადლობის სიგელები გადაეცათ.

ახალი თავისუფალი სივრცის შექმნის იდეა, მუნიციპალიტეტში არსებულ ხანდაზმულთა კლუბის თავმჯდომარეს, რეზო ბერიძეს ეკუთვნის. 

ერთსართულიანი კაპიტალური შენობა ვიტრაჟით გასულ წელს აშენდა, მოეწყო გათბობა-გაგრილების სისტემა და აღიჭურვა შესაბამისი ინვენტარით, სადაც შესაძლებელია საგანმანათლებლო, შემეცნებითი და სხვადასხვა აქტივობების განხორციელება.

გახსნის ცერემონიას მერის პირველი მოადგილე იმედა ვასაძე, მოადგილე მამუკა ფარტენაძე, საკრებულოს თავმჯდომარის პირველი მოადგილე რომან დავითაძე, ხანდაზმულთა კლუბის წევრები, ახალგაზრდები და ადგილობრივი თვითმმართველობის წარმომადგენლები ესწრებოდნენ",- აღნიშნულია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

სამარასთან ახლოს უკრაინის თავდასხმის შემდეგ, ევროპაში ერთ-ერთი უდიდესი ნავთობის საწყობი მეორე დღეა იწვის.

Axios: აშშ-ის შუალედური არჩევნების შედეგად, შესაძლოა, ტრამპმა კონგრესზეც კონტროლი დაკარგოს

ტრამპმა გუამში რესპუბლიკელის გამარჯვებას აშშ-ის არჩევნებზე კარგი ნიშანი უწოდა

პოლონეთის პროკურატურამ საკონსტიტუციო ტრიბუნალის მოსამართლეებზე თავდასხმის ფაქტზე გამოძიება დაიწყო