ქედის კულტურის ცენტრში, ა(ა)იპ „მომავლის პალიტრისა" და ქედის სახელოვნებო სკოლის ორგანიზებით, საბავშვო თეატრალური ჩვენება გაიმართა. ამის შესახებ ინფორმაციას ქედის მუნიციპალიტეტის მერია ავრცელებს.

მერიის ცნობით, ღონისძიების ფარგლებში, საბავშვო სპექტაკლის სადებიუტო ჩვენება ნოდარ დუმბაძის ოთხი მოთხრობის მიხედვით: „მე ვხედავ მზეს," „მე, ბებია, ილიკო და ილარიონი“, „ბოშები," „ხაზარულა“ გაიმართა,  რომლის მიზანს ქართული ნაწარმოებების გაცნობა და მომავალ თაობაში ქართული ლიტერატურის სიყვარულის დანერგვა წარმოადგენდა.

„პროექტი ,,ასე დაუსრულებლად" მხარდაჭერილია აჭარის ავტონომიური რესპუბლიკის განათლების, კულტურისა და სპორტის სამინისტროს თავისუფალი შემოქმედებითი საგრანტო კონკურსის მიერ.

თეატრალურ ჩვენებას  ქედის მუნიციპალიტეტის საკრებულოს სოციალურ საკითხთა კომისიის თავმჯდომარე ოთარ ხარაძე, განათლების, კულტურის, სპორტის, ტურიზმის, ახალგაზრდულ საკითხთა და ძეგლთა დაცვის სამსახურის უფროსი ეკატერინე ქაჯაია და ადგილობრივი თვითმმართველობის წარმომადგენლები ესწრებოდნენ“, - აღნიშნულია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია