17:21 - 13 Apr, 2024
რეკლამა/ხელმოწერა
2024-04-03 16:21:05, 274 ნახვა

რეგიონი
ნინო ნიჟარაძემ მარი ზანაქიძესთან ერთად, სამინისტროს პროგრამების შესახებ ინფორმირების მიზნით, ბათუმის რესპუბლიკური კლინიკური საავადმყოფოს ექიმებთან და მენეჯერებთან შეხვედრა გამართა

აჭარის ჯანმრთელობისა და სოციალური დაცვის მინისტრმა, ნინო ნიჟარაძემ პირველ მოადგილესთან, მარი ზანაქიძესთან ერთად, სამინისტროს პროგრამების შესახებ მაქსიმალური ინფორმირების მიზნით, მორიგი შეხვედრა გამართა ბათუმის რესპუბლიკური კლინიკური საავადმყოფოს ექიმებთან და მენეჯერებთან. ამის შესახებ ინფორმაციას აჭარის ჯანდაცვის სამინისტრო ავრცელებს.

მათივე ცნობით, კლინიკა ჩართულია სამინისტროს შემდეგ პროგრამებში - ავთვისებიანი სიმსივნით დაავადებულ პაციენტთა დამატებითი სამედიცინო მომსახურება, სახსრების ენდოპროთეზირება, ინდივიდუალური სამედიცინო დახმარება, ზოგიერთი სოციალური კატეგორიის მოსახლეობის სამედიცინო მომსახურების თანადაფინანსება და ამბულატორიული მაღალტექნოლოგიური დიაგნოსტიკური კვლევები.

ვიზიტის ფარგლებში მინისტრი პედიატრიულ განყოფილებაში არსებულ სამედიცინო სერვისებს გაეცნო.

"სამედიცინო სფეროს წარმომადგენლებთან ჩვენი შეხვედრების მიზანს წარმოადგენს, როგორც სამინისტროს პროგრამების შესახებ მოსაზრებების გაცვლა და პროგრამების დახვეწის მიზნით სამომავლო ხედვებზე მსჯელობა, ასევე ადგილზე გავეცნოთ არსებულ საჭიროებებს. მსგავსი ტიპის შეხვედრებს სისტემატიური ხასიათი აქვს, რათა მოქალაქეთა ინტერესები მაქსიმალურად იქნეს ასახული ჩვენს პროგრამებში“, - აღნიშნა მინისტრმა, ნინო ნიჟარაძემ.

როგორც მინისტრმა აღნიშნა, 2024 წელს, 25 მილიონ ლარზე მეტია გათვალისწინებული ჯანმრთელობის დაცვის მიმართულებით, გაიზარდა თითქმის ყველა პროგრამის ბიუჯეტი და გაფართოვდება მოსარგებლე პირთა ჩამონათვალი. დაიწყო დაფინანსება ზოგიერთი აუტოიმუნური დაავადების და მეტაბოლიზმის დარღვევებით გამოწვეული მკურნალობა მაღალეფექტური მედიკამენტებით.

აჭარის მთავრობის გადაწყვეტილებით, ასევე დაიწყო მასშტაბური სამედიცინო ინფრასტრუქტურული პროექტების განხორციელება. რესპუბლიკური საავადმყოფოს ბაზაზე აშენდება პედიატრიული დეპარტამენტი, დიალიზის ცენტრი, ასევე N1 პოლიკლინიკისა და სასწრაფო სამედიცინო დახმარების ცენტრის ახალი შენობები და მოხდება ფტიზიო-პულმოლნოლოგიური დეპარტამენტისთვის შენობის რეაბილიტაცია.




ავტორი: NS (სტატია დაფინანსებულია),


სოციალური ქსელები
ბაიდენი - ჩვენ მხარს დავუჭერთ ისრაელს, დავეხმარებით თავის დაცვაში და ირანი წარმატებას ვერ მიაღწევს
მდინარაძე - ჩვენ უნდა შევძლოთ, მივიღოთ სუვერენული, თავისუფალი გადაწყვეტილებები, ეს არის ნამდვილი ევროპულობა
ღარიბაშვილი - სალომე ზურაბიშვილმა ამ შეწყალებით პოლიციას მოლოტოვის კოქტეილი ესროლა
ფრანჩესკო ლოლობრიჯიდა - საქართველომ აირჩია სწორი გზა, როდესაც ღვინის წარმოების კუთხით აქცენტი გააკეთა ხარისხზე და არა რაოდენობაზე

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics