2024-04-03 14:09:10, 514 ნახვა
საზოგადოება
ევროპის ჩემპიონატზე საქართველოსთვის განკუთვნილი ბილეთების გაყიდვა 15 აპრილს დაიწყება
ევროპის საფეხბურთო ჩემპიონატზე ქართველი გულშემატკივრებისთვის განკუთვნილი ბილეთების გაყიდვა 15 აპრილს, საქართველოს დროით 13:00 საათზე დაიწყება. ამის შესახებ ინფორმაციას ეროვნული ნაკრები სოციალურ ქსელში ავრცელებს.
ბილეთების შეძენა UEFA-ს პორტალზე, აღნიშნულ ბმულზე http://euro2024.com/tickets იქნება შესაძლებელი.
"დეტალურ ინფორმაციას და გზამკვლევს ჩვენი გუნდის გულშემატკივარს უახლოეს დღეეებში გავუზიარებთ",- აცხადებენ ეროვნულ ნაკრებში.
შეგახსენებთ, საქართველოს ეროვნული საფეხბურთო ნაკრები ევრო 2024-ზე, F ჯგუფში 18 ივნისს თურქეთს, 22 ივნისს ჩეხეთს, ხოლო 26 ივნისს პორტუგალიას შეხვდება.
ავტორი: ექსპრესნიუსი,
epn.ge (@expressnews.ge)
