2024-01-11 16:35:20, 796 ნახვა
პოლიტიკა
საგარეო საქმეთა სამინისტრომ დანიის ელჩი უწყებაში დაიბარა
საქართველოში დანიის ელჩი ანე ტოფტ სორენსენი საგარეო საქმეთა სამინისტროში დაიბარეს.
როგორც "ექსპრესნიუსს" ქვეყნის დიპლომატიურ უწყებაში განუცხადეს, ელჩი უკვე იმყოფებოდა შეხვედრაზე და სამინისტრო ცოტა ხნის წინ დატოვა.
აღსანიშნავია, რომ უწყებას ამასთან დაკავშირებით ოფიციალური ინფორმაცია ჯერჯერობით არ გაუვრცელებია.
ცნობისთვის, დანიის ელჩმა, ანე ტოფტ სორენსენმა დანიურ გამოცემაში გამოქვეყნებულ OP-ED-ში ბიძინა ივანიშვილს ოლიგარქი უწოდა და აღნიშნა, რომ "ქართული ოცნების" დამფუძნებელმა ქონება 90-იან წლებში რუსეთში დააგროვა.
ავტორი: ექსპრესნიუსი,
epn.ge (@expressnews.ge)
