ჩვენ გვაქვს საშუალება, რომ პარტიულად დავუკვეთოთ კვლევები შესაბამის ორგანიზაციებს და ჩვენი მონაცემების მიხედვით, არის შემდეგი სურათი: ბოლო წელიწადნახევრის განმავლობაში არც ერთი კვლევა არ ჩატარებულა, სადაც შეიძლება გვქონოდა 50%-ზე ნაკლები, - ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.

როგორც კობახიძემ განმარტა, ბოლო წელიწადნახევრის განმავლობაში ჩატარებული კვლევების მიხედვით, მმართველ პარტიას 50 პროცენტზე მეტი ჰქონდა, ხოლო ოპოზიციიდან მხოლოდ „ნაციონალური მოძრაობას“ აქვს 20 პროცენტი, დანარჩენი პარტიები კი ბარიერს მიღმა რჩებიან.

„ყველა კვლევაში ბოლო წელიწადნახევრის განმავლობაში, ალოკაციით გვქონდა 50%-ზე მეტი. 55%-ზე მეტი იყო ჩვენი რეიტინგი უმეტეს შემთხვევაში, რასაც საბოლოო ჯამში არჩევნებზე ნახავს საზოგადოება. რაც შეეხება ოპოზიციას, „ნაცმოძრაობა“ არის 20% ან ნაკლები ბოლო კვლევების თანახმად და ვერც ერთი სხვა პარტია, დღევანდელი მონაცემებით ვერ ახერხებს ბარიერის გადალახვას, თუმცა, ეს, რა თქმა უნდა, არ გვაძლევს მოდუნების საშუალებას. ყველაფერს გავაკეთებთ, რომ ჩვენი რეიტინგი კიდევ უფრო მეტად გაიზარდოს საარჩევნოდ და ამის ყველანაირი რესურსი არსებობს",- აღნიშნა კობახიძემ.

ავტორი: NS (სტატია დაფინანსებულია),

სოციალური ქსელები

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა

აშშ-მ და უკრაინამ მაიამიში მიმდინარე მოლაპარაკებები შეაჩერეს