ყველა რეფორმა, რომელიც საჭიროა ევროკავშირში გაწევრიანებისთვის, ასევე რელევანტურია საქართველოს ნატოში გაწევრიანებისთვის, - ამის შესახებ დიდი ბრიტანეთის ელჩმა საქართველოში, მარკ კლეიტონმა განაცხადა.

კლეიტონის თქმით, საქართველოს ნამდვილად აქვს ნატოში გაწევრიანების პერსპექტივა "და როგორც 2008 წელს ბუქარესტის სამიტზე ითქვა, საქართველო გახდება ნატოს წევრი და დიდი ბრიტანეთი მყარად დგას ამ პოზიციაზე".

"ჩვენ პატივს ვცემთ თქვენს სუვერენიტეტსა და ტერიტორიულ მთლიანობას. სუვერენიტეტი კი ნიშნავს, რომ თავად იღებთ ყველა გადაწყვეტილებას. გარდა ამისა, ყველა რეფორმა, რომელიც საჭიროა ევროკავშირში გაწევრიანებისთვის, ასევე რელევანტურია საქართველოს ნატოში გაწევრიანებისთვის. ასე რომ, მე იმედი მაქვს, რომ საქართველო გააგრძელებს გზას ევროკავშირისა და ნატოს წევრობისკენ. საქართველოს ნამდვილად აქვს ნატოში გაწევრიანების პერსპექტივა და როგორც 2008 წელს ბუქარესტის სამიტზე ითქვა, საქართველო გახდება ნატოს წევრი და დიდი ბრიტანეთი მყარად დგას ამ პოზიციაზე.

საქართველოს აქვს ყველა ინსტრუმენტი ამისთვის, იქნება ეს გაფართოებული შესაძლებლობების პარტნიორის სტატუსი თუ არსებითი საქართველო-ნატოს პაკეტი და მოკავშირეებიც ამ ქვეყანას ძალიან ეხმარებიან. თუმცა, ნატოს წევრობა არ არის მხოლოდ სამხედრო თანამშრომლობაზე დამოკიდებული. ნატო არის სამხედრო-პოლიტიკური ალიანსი და ყველა რეფორმა, რომელიც საჭიროა ევროკავშირში გასაწევრიანებლად, ასევე საჭიროა ნატოს წევრობისთვის", - განაცხადა დიდი ბრიტანეთის ელჩმა საქართველოში.

ავტორი: ექსპრესნიუსი,

სოციალური ქსელები

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა