2023-11-09 14:03:36, 743 ნახვა
პოლიტიკა
სალომე ზურაბიშვილი „პარიზის მშვიდობის ფორუმში“ მონაწილეობის მისაღებად საფრანგეთში გაემგზავრა
საქართველოს პრეზიდენტი სალომე ზურაბიშვილი "პარიზის მშვიდობის ფორუმში" მონაწილეობის მისაღებად საფრანგეთში გაემგზავრა. აღნიშნულის შესახებ ინფორმაციას პრეზიდენტის ადმინისტრაცია ავრცელებს.
ადმინისტრაციის ცნობით, ფორუმი 10-11 ნოემბერს გაიმართება.
"ხვალ, საქართველოს პრეზიდენტი, ევროპული საბჭოს პრეზიდენტთან, შარლ მიშელთან და შვეიცარიის კონფედერაციის პრეზიდენტთან, ალან ბერსესთან ერთად, მონაწილეობას მიიღებს პანელის მუშაობაში, რომელიც კონფლიქტებისა და კრიზისების საკითხებს განიხილავს From Multicrisis to Multiconflicts: how to stop the vicious circle, - აღნიშნულია ადმინისტრაციის ინფორმაციაში.
ავტორი: ექსპრესნიუსი,
epn.ge (@expressnews.ge)
