2023-11-08 15:53:52, 731 ნახვა
პოლიტიკა
ბორელი - ქართველმა ხალხმა არაერთხელ აჩვენა ურყევი ერთგულება ევროპული ღირებულებებისადმი
ქართველმა ხალხმა არაერთხელ აჩვენა თავისი ურყევი ერთგულება ევროპული ღირებულებებისადმი, ჩვენ გავაგრძელებთ საქართველოს მხარდაჭერას, - ამის შესახებ საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი ჯოზეფ ბორელი X-ზე (ყოფილ Twitter-ზე) წერს.
ბორელის თქმით, ევროკომისია დღეს რეკომენდაციას გასცემს, საქართველოს მიენიჭოს ევროკავშირის კანდიდატის სტატუსი.
"ქართველმა ხალხმა არაერთხელ აჩვენა თავისი ურყევი ერთგულება ევროპული ღირებულებებისადმი. ევროკომისია დღეს რეკომენდაციას აძლევს საქართველოს, მიენიჭოს ევროკავშირის კანდიდატის სტატუსი. ევროკავშირის კარი ღიაა. ჩვენ გავაგრძელებთ საქართველოს მხარდაჭერას ევროკავშირის გზაზე", - წერს ბორელი.
ავტორი: ექსპრესნიუსი,
epn.ge (@expressnews.ge)
