საგანგაშო გამოვლინება იყო საქართველოს მთავრობის მეორე პირის, ვიცე-პრემიერის რანგში, ეკონომიკის მინისტრის მონაწილეობა იმ ფორუმში, რომელშიც ერთ-ერთი მთავარი პირი იყო პირსისხლიანი, აგრესორი ოკუპანტი ქვეყნის პრეზიდენტი ვლადიმერ პუტინი,- ამის შესახებ "ევროოპტიმისტების" თავმჯდომარემ, რომან გოცირიძემ პარლამენტის პლენარულ სხდომაზე ლევან დავითაშვილთან დაკავშირებით განაცხადა.

გოცირიძის თქმით, ფორუმში საქართველო ნახევრად ავტორიტარული რეჟიმის მქონე ქვეყნებთან ერთად მონაწილეობდა.

"ღირსების საკითხია, რომ როდესაც პუტინი გამოდის, დარბაზში არ უნდა იჯდე და თანაც მეორე რიგში, ყველაზე საპატიო სტუმრებთან ერთად, იმაზე რომ აღარაფერი ვთქვათ იმ სუფრაზე, სადაც პუტინთან ერთად, ალბათ, სადღეგრძელოები ისმოდა მშვიდობასა და ჰუმანურობაზე. ამ ფორუმში არ მონაწილეობდა ევროკავშირის არცერთი ქვეყანა, გარდა ერთ-ერთი ქვეყნის ოდიოზური ლიდერისა, რომელსაც ევროპაში უკვე სერიოზულად არ უყურებენ  - ორბანისა. არ მონაწილეობდა დასავლეთის არცერთი სახელმწიფო. წარმოდგენილნი იყვნენ ნახევრად ავტორიტარული რეჟიმის მქონე ქვეყნები. მთავარი მონაწილეები იყვნენ: კამბოჯა, ჩილე, კონგო, ეგვიპტე, ეთიოპია, უნგრეთი, ინდონეზია, ყაზახეთი, კენია, ლაოსი, მონღოლეთი, მოზამბიკი, პაკისტანი, რუსეთი, სერბეთი, შრი-ლანკა, ტაილანდი, უზბეკეთი, ვიეტნამი. ჩვენი ვიცე-პრემიერის გვერდით იჯდა მგონი პაპუა-ახალი გვინეას წარმომადგენელი. სად ხართ, მისამართი შეგეშალათ? რა კავშირი აქვს საქართველოს ამ გეოგრაფიასთან? აქვს ერთადერთი კავშირი - ბიძინა ივანიშვილის კავშირი რუსეთთან",- მიმართა გოცირიძემ "ქართული ოცნების" დეპუტატებს.

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა