ძალიან შემაშფოთებელია, როცა საკუთარ ქვეყანაში გყავს ადამიანები, რომლებიც მტრის ენაზე საუბრობენ და რომლებსაც სჯერათ, რომ ისინი საკუთარ სახლში არიან, - ამის შესახებ საქართველოს პრეზიდენტმა, სალომე ზურაბიშვილმა რუსეთის მოქალაქეების შემოსვლაზე CBS-თან ინტერვიუში განაცხადა.

პრეზიდენტის თქმით, "არსებობს წვრილი ხაზი, რომელიც უნდა შენარჩუნდეს, რათა მომავალში არ გვქონდეს ისეთი ინციდენტები, რომლებიც რუსეთს საშუალებას მისცემს, გამოიყენოს თავისი საყვარელი დოქტრინა რუსულენოვანი მოქალაქეების დაცვის შესახებ".

ჟურნალისტის შეკითხვაზე, რატომ არ ამბობს საქართველო უარს ქვეყნის ტერიტორიაზე რუსეთის მოქალაქეების შემოსვლაზე, ზურაბიშვილმა განაცხადა, რომ ეს შეკითხვა ხელისუფლებას უნდა დაუსვან.

„სამწუხაროდ, მე აღმასრულებელ ხელისუფლებას არ წარმოვადგენ“, - განაცხადა პრეზიდენტმა.

ზურაბიშვილის თქით, უკრაინაში შეჭრის შემდეგ, რუსეთი ნიადაგს საქართველოშიც "სინჯავს", ქვეყნის წინააღმდეგ კი, ახლა ჰიბრიდული ომი მიმდინარეობს. 

ამასთან, შეკითხვაზე, უკრაინაში ომი უკვე მესამე წელია მიმდინარეობს, რა გავლენა მოახდინა ამ ომმა საქართველოში ხალხის ცხოვრებაზე და იყენებენ თუ არა რუსეთის მოქალაქეებს ნიადაგის მოსასინჯად, როგორ ხდება ეს, სალომე ზურაბიშვილმა განაცხადა:

"ესაა შეხსენება იმისა, რაც საქართველომ გადაიტანა და რომ ქვეყანა მუდმივი საფრთხის წინაშე დგას. ეს უკვე რეალობის ნაწილია, რომ რუსეთი ტესტავს ნიადაგს საქართველოში. ყველაზე მარტივი გზა კი, ჰიბრიდული ომია", - დასძინა ზურაბიშვილმა.

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა