ფრაქცია "ერთიანი ნაციონალური მოძრაობა" თბილისის საკრებულოს ბოიკოტს უცხადებს. ამის შესახებ ფრაქცის თავმჯდომარემ, ირაკლი ნადირაძემ ცოტა ხნის წინ გამართულ საგანგებო ბრიფინგზე განაცხადა.

ნადირაძემ „ნაციონალური მოძრაობის“ წევრის, ირაკლი ეძგვერაძის მიმართ განხორციელებულ თავდასხმაზე ისაუბრა და დამნაშავეების დასჯა მოითხოვა.

როგორც ფრაქციის თავმჯდომარემ აღნიშნა, საკრებულოს ოპოზიციონერი წევრები დღეს საკრებულოს სხდომაში მონაწილეობას პროტესტის ნიშნად არ მიიღებენ.

„ჩვენს კოლეგას, საკრებულოს დეპუტატ ირაკლი ეძგვერაძეს 40-ზე მეტი ადამიანი დაესხა ჯგუფურად თავს და მიუხედავად იმისა, რომ არსებობს არაერთი ვიდეომტკიცებულება, არაერთი ფაქტი, მხოლოდ რამდენიმე ადამიანი არის დასჯილი და ის ათეულობით დამნაშავე, ბანდიტი, ჯერ კიდევ რჩება დაუსჯელი. 

“ქართულ ოცნებას” ჰქონდა და აქვს კიდევ მცდელობა, რომ ეს ყველაფერი გადაეყვანა თითქოს იყო პირადი ანგარიშსწორება და დაპირისპირება, თუმცა ამ ვიდეომტკიცებულებებში ცალსახად ჩანს, რომ ეს იყო პოლიტიკური დაპირისპირება, პოლიტიკური შურისძიება ირაკლი ეძგვერაძის საქმიანობის გამო, რომელიც უკავშირდება ამ ადამიანს 2020 წლის არჩევნებიდან მოყოლებული, სადაც კახი კალაძე დამარცხდა გლდანში და შემდგომ უკვე საკრებულოში ამ ადამიანის აქტიურობამ მიიყვანა ეს ხალხი, ეს ბანდიტები ამ მდგომარეობამდე, რომ ჯგუფურად გასწორებოდნენ. 

დღეს იმართება საკრებულოს სხდომა და აქ მყოფ ყველა კოლეგას, გამომდინარე იქიდან, რომ ქალაქში არის უამრავი კოლეგა, სურვილი გვქონდა გვესაუბრა საცობებზე, გადატვირთულ საზოგადოებრივ ტრანსპორტზე, მილიონ პრობლემაზე, რომელიც თბილისელებს აწუხებს, მაგრამ გამომდინარე იქიდან, რომ ასეთი მძიმე დანაშაული ჩვენი კოლეგის მიმართ ჯერ კიდევ არის გამოუძიებელი, ჯერ კიდევ ძალიან ბევრი ადამიანი არის დაუსჯელი, უბრალოდ ჩვეულებრივი რიგითი საკრებულოს სხდომა ვერ იქნებოდა, ამიტომ, დღეს ბოიკოტის ნიშნად “ერთიანი ნაციონალური მოძრაობა” სხდომაში მონაწილეობას არ მიიღებს",- თქვა ნადირაძემ.

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა