ძალიან ცუდ სიგნალს აგზავნი ევროპაში, როცა ცდილობ, იმპიჩმენტი პროევროპელ პრეზიდენტს მოუწყო,- ამის შესახებ ევროპარლამენტარმა, მარკეტა გრეგოროვამ პრეზიდენტ სალომე ზურაბიშვილთან დაკავშირებით განაცხადა.

გრეგოროვას თქმით, "ქართულ ოცნებას" ეშინია, რომ მომავალში საქართველო ევროკავშირის წევრი გახდება და ამისთვის ხელის შესაშლელად ყველაფერს აკეთებს.

"იმპიჩმენტის პროცესის ჩავარდნის გამო მოხარულები ვართ. ეს აგზავნის ძალიან ცუდ სიგნალს ევროპაში, როცა ცდილობ, იმპიჩმენტი პროევროპელ პრეზიდენტს მოუწყო. რაც მან გააკეთა, შეიძლება კონსტიტუციას ეწინააღმდეგება, მაგრამ ეს იმიტომ გააკეთა, რომ მას შეუზღუდეს მისთვის კონსტიტუციით მინიჭებული უფლება, იმოგზაუროს სხვადასხვა ქვეყნებში და ლიდერებს ესაუბროს.

საკითხავია, საიდან დაიწყო ეს ყველაფერი. ვშიშობ, რომ ეს "ქართული ოცნების" შიშის ბრალია, რომ მომავალში ევროკავშირის წევრები გახდებიან, რადგან ძალიან ბევრს აკეთებენ, რომ ასე არ მოხდეს. ეს პროცესი ქვეყნისთვის ძალიან ნეგატიურ სურათს ხატავს. რადგან ეს იყო პრეზიდენტის ბლოკირება არ გაემართა შეხვედრები ევროკავშირში. საქართველოში ყველამ კარგად იცის, რა უნდა გააკეთონ ევროკავშირის კანდიდატის სტატუსისთვის",- განაცხადა გრეგოროვამ.

შეგახსენებთ, გუშინ, 18 ოქტომბერს საქართველოს პარლამენტმა პრეზიდენტ სალომე ზურაბიშვილის იმპიჩმენტს მხარი არ დაუჭირა. პრეზიდენტის გადასაყენებლად 100 ხმა იყო საჭირო, საკანონმდებლო ორგანოში გამართული კენჭისყრის შედეგების მიხედვით კი, იმპიჩმენტს მხარი 86-მა დეპუტატმა დაუჭირა, ერთი წინააღმდეგ წავიდა. პრეზიდენტის იმპიჩმენტის პროცესმა პარლამენტში მას შემდეგ გადაინაცვლა, რაც 16 ოქტომბერს საკონსტიტუციო სასამართლომ პრეზიდენტ სალომე ზურაბიშვილის მიერ კონსტიტუციის დარღვევა დაადგინა. სასამართლოს 9 წევრიდან განსხვავებული პოზიცია 3 მოსამართლემ - ირინე იმერლიშვილმა, გიორგი კვერენჩხილაძემ და თეიმურაზ ტუღუშმა დააფიქსირა.

ავტორი: ექსპრესნიუსი,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის