პრეზიდენტის იმპიჩმენტთან დაკავშირებით საკითხის განხილვას ხვალ დავიწყებთ,- ამის შესახებ პარლამენტის თავმჯდომარემ, შალვა პაპუაშვილმა პარლამენტის პლენარულ სხდომაზე განაცხადა.

პაპუაშვილის თქმით, განხილვის პროცესში მონაწილეობას საქართველოს პრეზიდენტი სალომე ზურაბიშვილიც მიიღებს.

"საქართველოს რეგლამენტის თანახმად, პარლამენტმა დადგენილებით უნდა დაამტკიცოს იმპიჩმენტის საკითხის განხილვისა და კენჭისყრის გრაფიკი. გთავაზობთ დადგენილების პროექტს, რომლის მიხედვითაც, პარლამენტი დაადგენს: საქართველოს პარლამენტმა საქართველოს პრეზიდენტის, სალომე ზურაბიშვილის იმპიჩმენტის წესით თანამდებობიდან გადაყენების საკითხი საქართველოს საკონსტიტუციო სასამართლოს მიერ წარმოდგენილი საქართველოს პრეზიდენტის მიერ კონსტიტუციის დარღვევის თაობაზე დასკვნის საფუძველზე განიხილოს და აღნიშნულს საკითხს კენჭი უყაროს 2023 წლის საშემოდგომო სესიის 17-20 ოქტომბრის მორიგი პლენარული სხდომების კვირაში. დადგენილება ამოქმედდეს მიღებისთანავე. ქალბატონმა პრეზიდენტმა დაადასტურა მისი მონაწილეობა ასე, რომ ხვალ 12:00 საათზე ჩვენ დავიწყებთ საკითხის განხილვას იმპიჩმენტთან დაკავშირებით",- განაცხადა პაპუაშვილმა. 

ცნობისთვის, გუშინ, 16 ოქტომბერს საკონსტიტუციო სასამართლომ პრეზიდენტ სალომე ზურაბიშვილის მიერ კონსტიტუციის დარღვევა დაადგინა. სასამართლოს თავმჯდომარის, მერაბ ტურავას განცხადებით, ზურაბიშვილმა აგვისტო-სექტემბერში საზღვარგარეთ განხორციელებული ვიზიტებით საქართველოს კონსტიტუცია დაარღვია.

ავტორი: ექსპრესნიუსი,

სოციალური ქსელები

იარაღის და სამხედრო საწარმო დელტაში ხანძარი გაჩნდა, იგი ლიკვიდირებულია

პენსი - სანქციების მოხსნა წარმოადგენს გარდაცვლილი სენატორის, ლინდსი გრემის მემკვიდრეობისა და აშშ-ს ლიდერობის ღალატს

რუსეთმა უკრაინას ხუთი მიმართულებით შეუტია: ათობით დრონი ჩაჭრეს, დაღუპულთა და ნგრევის შესახებ ინფორმაცია გავრცელდა

აშშ-ის კონგრესი რეიგანის აქტის გამოყენებით რუსული ნავთობის შესყიდვების დაბლოკვას ცდილობს