"ტვ პირველი" ავრცელებს მორიგ დეზინფორმაციას, თითქოს ევროსაბჭოს საპარლამენტო ასამბლეაში იმყოფება დელეგაცია, რომელსაც ვხელმძღვანელობ მე, - ამის შესახებ „ქართული ოცნების“ თავმჯდომარის მოადგილემ, ირაკლი ჩიქოვანმა განაცხადა.

 მისი შეფასებით, ეს ყველაფერი არის "ტყუილი და სასაცილო დეზინფორმაცია".

„ტვ პირველი“ ავრცელებს მორიგ დეზინფორმაციას, თითქოს ევროსაბჭოს საპარლამენტო ასამბლეაში იმყოფება დელეგაცია, რომელსაც ვხელმძღვანელობ მე, ასევე სესიაში მონაწილეობენ არჩილ თალაკვაძე, საპარლამენტო უმრავლესობის ლიდერი ირაკლი კობახიძე, დეპუტატები ხატია წილოსანი, გივი მიქანაძე და „ხალხის ძალის“ წევრი დეპუტატი ეკა სეფაშვილი. ეს ყველაფერი არის ტყუილი და სასაცილო დეზინფორმაცია. თან ისეთი ტყუილი, რომლის გადამოწმება, სურვილის შემთხვევაში, ძალიან მარტივია. მაგალითად, მე, ირაკლი კობახიძე და არჩილ თალაკვაძე ამ დღეების განმავლობაში საქართველოს პარლამენტში მედიასთან ვაკეთებდით კომენტარებს და ასევე მონაწილეობა მივიღეთ სხვადასხვა სატელევიზიო გადაცემაში. დელეგაციის სხვა წევრები ასევე იმყოფებოდნენ ნატოს საპარლამენტო ასამბლეაზე. სასაცილოა „ტვ პირველისგან“ იმის მტკიცება, რომ სტრასბურგში სესიას ვესწრებით. საპარლამენტო ასამბლეაში მონაწილეობას იღებს საქართველოს პარლამენტის წევრი ქეთევან თურაზაშვილი. არ ვიცი რას ემსახურება მსგავსი ტყუილი, მაგრამ ამ დეზინფორმაციამ რომ მხოლოდ რამდენიმე წუთს გასტანა, ფაქტია“, - აცხადებს ირაკლი ჩიქოვანი.

ავტორი: NS (სტატია დაფინანსებულია),

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა