2023-10-11 19:04:51, 1127 ნახვა
პოლიტიკა
კორტნი ორბანის ვიზიტზე - საქართველოს ხელისუფლებამ შეიძლება ევროპული ღირებულებები ვერ გაიგო
უნგრეთის პრემიერ-მინისტრის, ვიქტორ ორბანის საქართველოში ვიზიტს ამერიკელი დიპლომატი, აშშ-ს ყოფილი ელჩი საქართველოში, უილიამ კორტნი გამოეხმაურა.
როგორც კორტნი აღნიშნავს, თუ საქართველოს ხელისუფლება ფიქრობს, რომ ორბანის მასპინძლობა მათი ქვეყნისთვის ევროკავშირში გაწევრიანების შანსებს გაზრდის, "მათ შეიძლება ვერ გაიგონ ევროპული ღირებულებები".
"თუ საქართველოს ხელისუფლება ფიქრობს, რომ ორბანის მასპინძლობა მათი ქვეყნისთვის ევროკავშირში გაწევრიანების შანსებს გაზრდის, მათ შეიძლება ვერ გაიგონ ევროპული ღირებულებები ან ევროკავშირი", - წერს კორტნი Twitter-ზე.
ცნობისთვის, უნგრეთის პრემიერ-მინისტრი ვიქტორ ორბანი საქართველოს გუშინ, 10 ოქტომბერს ესტუმრა.
ავტორი: ექსპრესნიუსი,
epn.ge (@expressnews.ge)
