2023-10-10 23:36:34, 1217 ნახვა
პოლიტიკა
ირაკლი ღარიბაშვილმა უნგრეთის პრემიერ-მინისტრს, ვიქტორ ორბანს სადილზე უმასპინძლა
საქართველოს პრემიერ-მინისტრმა ირაკლი ღარიბაშვილმა, მეუღლესთან - ნუნუკა თამაზაშვილთან ერთად, უნგრეთის პრემიერ-მინისტრს, ვიქტორ ორბანს და მის მეუღლეს, ანიკო ლევაისს სადილზე უმასპინძლა. ამის შესახებ ინფორმაციას საქართველოს მთავრობა ავრცელებს.
უნგრეთის პრემიერ-მინისტრისა და მისი მეუღლის პატივსაცემად სადილი „ბიოლში“ გაიმართა.
ირაკლი ღარიბაშვილმა და ვიქტორ ორბანმა საქართველოსა და უნგრეთს შორის მეგობრული და პარტნიორული ურთიერთობები არაფორმალურ გარემოში განიხილეს.
ცნობისთვის, ვიქტორ ორბანი სამთავრობო დელეგაციასთან ერთად საქართველოს დღეს, 10 ოქტომბერს ეწვია.
ავტორი: ექსპრესნიუსი,
epn.ge (@expressnews.ge)
