ისრაელში ბრძოლამ შეიძლება გაზარდოს მოთხოვნა ოქროზე, ობლიგაციებსა და სხვა უსაფრთხო აქტივებზე, რადგან ინვესტორები ყურადღებით აკვირდებიან ახლო აღმოსავლეთში განვითარებულ მოვლენებს, რათა შეაფასონ გეოპოლიტიკური რისკი ბაზრებზე.

ამის შესახებ Reuters-ი წერს.

მზარდმა გეოპოლიტიკურმა რისკმა შეიძლება გამოიწვიოს ისეთი აქტივების შეძენა, როგორიცაა ოქრო და დოლარი და პოტენციურად გაზარდოს მოთხოვნა აშშ-ს ხაზინაზე, აცხადებენ ანალიტიკოსები.

"ეს არის კარგი მაგალითი იმისა, თუ რატომ სჭირდება ხალხს ოქრო თავიანთ პორტფელებში. ეს არის იდეალური ჰეჯირება საერთაშორისო არეულობისგან. ყოველ ჯერზე, როცა საერთაშორისო არეულობა ხდება, დოლარი მყარდება", - თქვა პიტერ კარდილომ, Spartan Capital Securities-ის მთავარმა ბაზრის ეკონომისტმა.

Annex Wealth Management-ის მთავარი ეკონომისტის ბრაიან იაკობსენის თქმით, ისრაელის მოვლენები აუცილებლად მოახდენს გავლენას გლობალურ ბაზრებზე, მაგრამ ეს დამოკიდებული იქნება იმაზე, თუ რამდენ ხანს გაგრძელდება ბრძოლა და ჩაერთვება თუ არა სხვა სახელმწიფოები კონფლიქტში.

აღნიშნულია, რომ ბოლო კვირების განმავლობაში, ბაზრები ელოდნენ, რომ აშშ საპროცენტო განაკვეთები უფრო მაღალი დარჩებოდა.

შეგახსენებთ, რომ შაბათს ისრაელის ტერიტორიაზე უპრეცედენტო თავდასხმა განახორციელეს პალესტინის დაჯგუფება ჰამასის ბოევიკებმა. დასავლეთის ქვეყნებმა, შეერთებული შტატების მეთაურობით, დაგმეს თავდასხმა და პირობა დადეს, რომ მხარს დაუჭერენ ისრაელს.

გაეროს გენერალური მდივანი ანტონიო გუტერეში კატეგორიულად გმობს პალესტინის ისლამური წინააღმდეგობის მოძრაობის (HAMAS), რომელიც აკონტროლებს ღაზას სექტორს, ისრაელის ქალაქებზე თავდასხმებს, მათ შორის ათასობით რაკეტის გასროლას, დაიღუპა ათობით ისრაელი მშვიდობიანი მოქალაქე და ასობით დაშავდა.

ავტორი: ექსპრესნიუსი,

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა