2023-09-21 16:23:51, 759 ნახვა
პოლიტიკა
პარლამენტმა „თავდაცვის კოდექსი“ მესამე მოსმენით მიიღო
პარლამენტმა პლენარულ სხდომაზე „თავდაცვის კოდექსი“ მესამე მოსმენით, 80 ხმით მიიღო. აღნიშნულის შესახებ ინფორმაციას საქართველოს პარლამენტი ავრცელებს.
თავდაცვის მინისტრის მოადგილის, გრიგოლ გიორგაძის განცხადებით, საკანონმდებლო პაკეტში ასახულია რედაქციული ხასიათის ცვლილებები იურიდიული დეპარტამენტის მიერ გამოთქმული შენიშვნების გათვალისწინებით.
„თავდაცვის კოდექსი“ აუცილებელია იმ მიზნების მიღწევისთვის, რაც ემსახურება თავდაცვისუნარიანობის გაძლიერებას, ნატოსთან თავსებადობის ამაღლებას, სამხედროებისთვის სოციალური გარანტიების დაწესებას. იმ რეფორმებით, რასაც თავდაცვის კოდექსი მოიცავს, მნიშვნელოვნად გაიზრდება მომზადებული, ნატოს სტანდარტებით გაწვრთნილი რეზერვი",- განაცხადა გრიგოლ გიორგაძემ.
ავტორი: ექსპრესნიუსი,
epn.ge (@expressnews.ge)
