საქართველოს პარლამენტმა ეროვნული ბანკის საბჭოს წევრის ორ ვაკანტურ თანამდებობაზე ნანა ყეინიშვილი და თეიმურაზ ხომერიკი აირჩია.

საკანონმდებლო ორგანომ, პრეზიდენტის უარის მიუხედავად, წევრებს პლენარულ სხდომაზე კენჭი უყარა და ხმათა უმრავლესობით დაამტკიცა.

კენჭისყრის შედეგების მიხედვით, ნანა ყეინიშვილს მხარი 84-მა, ხოლო თეიმურაზ ხომერიკს 82-მა დეპუტატმა დაუჭირა.

პლენარულ სხდომამდე გამართულ საფინანსო-საბიუჯეტო და დარგობრივი ეკონომიკისა და ეკონომიკური პოლიტიკის კომიტეტებმა პრეზიდენტის მიერ წარმოდგენილი ნანა ყეინიშვილის და თეიმურაზ ხომერიკის კანდიდატურების არჩევას მხარი არ დაუჭერეს. 

კომიტეტების დღის წესრიგით გათვალისწინებული იყო ყეინიშვილის და ხომერიკის კანდიდატურების განხილვა, თუმცა კანდიდატები არ გამოცხადდნენ.

სხდომაზე პრეზიდენტის საპარლამენტო მდივანმა, გიორგი მსხილაძემ აღნიშნა, რომ ბოლო ორი დღის განმავლობაში ეროვნული ბანკის გარშემო განვითარებული მოვლენების შემდეგ პრეზიდენტმა კანდიდატურების წარდგენაზე უარი განაცხადა.

როგორც საფინანსო-საბიუჯეტო კომიტეტის თავმჯდომარემ, პაატა კვიჟინაძემ თქვა, პრეზიდენტმა კანდიდატურები უკვე წარმოადგინა და კანონში არ არის მექანიზმი, რომლითაც შესაძლებელია გაწვევა.

ცნობისთვის, ამჟამად, საქართველოს ეროვნული ბანკის საბჭოში, 9 წევრის ნაცვლად, 7 წევრია.

ავტორი: ექსპრესნიუსი,

სოციალური ქსელები

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება

ბერნჰემი: რუსეთი ჩაერია დიდი ბრიტანეთის ევროკავშირიდან გასვლის შესახებ რეფერენდუმში