"ერთიანი ნაციონალური მოძრაობისა" და "სტრატეგია აღმაშენებლის" წარმომადგენლებმა, მთავარ პროკურატურასთან, გენპროკურორ ირაკლი შოთაძის გადადგომის მოთხოვნით, საპროტესტო აქცია გამართეს.

ოპოზიციური პარტიების წევრების თქმით, მათ მთავარ მოთხოვნას ყოფილი მთავარი პროკურორის, ოთარ ფარცხალაძის საქმეზე გამოძიების დაწყებაც წარმოადგენს.

"ჩვენი მოთხოვნაა, "კაგებეშნიკი" ოთარ ფარცხალაძის მიერ რეკომენდირებული პირები, მათ შორის თანამდებობის პირები, რომლებიც დღესაც იკავებენ პროკურორების, მთავარი პროკურორების თანამდებობებს, დაუყოვნებლივ ჩამოშორდნენ ამ თანამდებობებს და დაიწყოს მათ მიმართ გამოძიება",- განაცხადა თბილისის საკრებულოს ფრაქცია "ერთიანი ნაციონალური მოძრაობის" თავმჯდომარემ, ირაკლი ნადირაძემ "ტვ პირველთან" საუბრისას.

ცნობისთვის, 14 სექტემბერს გავრცელდა ინფორმაცია, რომ ამერიკის შეერთებული შტატების ხაზინის დეპარტამენტმა 150-ზე მეტ კომპანიასა და პირს სანქციები დაუწესა. სანქცირებულთა შორისაა საქართველოს ყოფილი მთავარი პროკურორი ოთარ ფარცხალაძე.

"სანქცირებულებს შორის ასევე არის ქართველ-რუსი ოლიგარქი. სახელმწიფო დეპარტამენტის თქმით, რუსეთის ფედერალური უსაფრხოების სამსახური მუშაობდა ამ ოლიგარქთან, რათან მას გავლენა მოეხდინა საქართველოს საზოგადოებასა და პოლიტიკაზე რუსეთის სასარგებლოდ", - დაწერა გამოცემა Associated Press-მა აშშ-ის სახელმწიფო დეპარტამენტზე დაყრდნობით.

15 სექტემბერს, საქართველოს სახელმწიფო უსაფრთხოების სამსახურმა გაავრცელა განცხადება, რომლის მიხედვითაც, სახელმწიფო დეპარტამენტის განცხადების ირგვლივ საკითხის შესწავლა მიმდინარეობს.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება