აშშ-მა ივანიშვილს ფეხებში ესროლა და დარწმუნებული ვარ ახლოსაა ის ყულფი, რომელიც ვიწროვდება ბიძინა ივანიშვილის პოლიტიკურ კისერზე,- ამის შესახებ "ნაციონალური მოძრაობის" თავმჯდომარემ, ლევან ხაბეიშვილმა განაცხადა.

ხაბეიშვილის თქმით, საქართველოს ყოფილი პროკურორის მიმართ სერიოზული გამოძიების იმედი არ აქვს, რადგან "შოთაძის უწყება თავის გარემოცვას არ დაიჭერს".

"ფარცხალაძის წინააღმდეგ რაიმე სერიოზული ღონისძიების გატარება, რომ ის დააკავონ ან რაიმე ასეთი განახორციელონ, ამას არათუ ვერ გაბედავენ, არამედ ვერ გააკეთებენ. მაშინ შოთაძემ საკუთარი თავი უნდა დააკავოს და ყველა ის თანამდებობის პირი, ვისთანაც შეხება ჰქონია, ისევე ბიძინა ივანიშვილის გარემოცვაც, რადგან, ჩვენ ვიცით, რომ ნათელმირონობა აქვთ ბერას და ფარცხალაძეს. ამიტომ, ყველას კარგად გვესმის რომ მთავარი ჯაშუში და მტერი ამ ქვეყანაში არის ბიძინა ივანიშვილი და მისი რუსული პარტია. აშშ-მა ივანიშვილს ფეხებში ესროლა და დარწმუნებული ვარ ახლოსაა ის ყულფი, რომელიც ვიწროვდება ბიძინა ივანიშვილის პოლიტიკურ კისერზე",-განაცხადა ხაბეიშვილმა.

ცნობისთვის, ამერიკის შეერთებული შტატების ხაზინის დეპარტამენტმა 150-ზე მეტ კომპანიასა და პირს სანქციები დაუწესა. სანქცირებულთა შორისაა საქართველოს ყოფილი მთავარი პროკურორი ოთარ ფარცხალაძე.

"სანქცირებულებს შორის ასევე არის ქართველ-რუსი ოლიგარქი. სახელმწიფო დეპარტამენტის თქმით, რუსეთის ფედერალური უსაფრხოების სამსახური მუშაობდა ამ ოლიგარქთან, რათან მას გავლენა მოეხდინა საქართველოს საზოგადოებასა და პოლიტიკაზე რუსეთის სასარგებლოდ", - დაწერა გამოცემა Associated Press-მა აშშ-ის სახელმწიფო დეპარტამენტზე დაყრდნობით.

ფარცხალაძე საქართველოს მთავარი პროკურორის თანამდებობას 2013 წლის 7 ნოემბრიდან 30 დეკემბრამდე იკავებდა.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება