2023-09-14 19:26:19, 1961 ნახვა
პოლიტიკა
აშშ-მა 150-ზე მეტ კომპანიასა და პირს, მათ შორის, ოთარ ფარცხალაძეს სანქციები დაუწესა
ამერიკის შეერთებული შტატების ხაზინის დეპარტამენტმა 150 ბიზნესმენსა და იურიდიულ პირს სანქციები დაუწესა. ამის შესახებ ინფორმაციას გავლენიანი საერთაშორისო გამოცემა Associated Press სახელმწიფო დეპარტამენტზე დაყრდნობით ავრცელებს
დასანქცირებულთა შორის არის, საქართველოს ყოფილი გენერალური პროკურორი ოთარ ფარცხალაძე.
ფარცხალაძის დასანქცირების მიზეზი რუსეთის ფედერაციის ეკონომიკის მენეჯმენტთან საქმიანობა გახდა.
"ოთარ ანზორის ძე ფარცხალაძე შეტანილია სიაში რუსეთის ფედერაციის ეკონომიკის მენეჯმენტის საკონსულტაციო სექტორში საქმიანობის გამო", - აღნიშნულია დეპარტამენტის განცხადებაში.
ცნობისთვის, ოთარ ფარცხალაძე საქართველოს გენერალური პროკურორის თანამდებობას 2013 წლის 7 ნოემბრიდან 30 დეკემბრამდე იკავებდა.
ავტორი: ექსპრესნიუსი,
epn.ge (@expressnews.ge)
