ევროპარლამენტმა მიიღო რეზოლუცია, რომელიც მოუწოდებს სისხლის სამართლის საერთაშორისო სასამართლოს (ICC), უკრაინელი ბავშვების დეპორტაციის გამო, გამოსცეს ორდერი ბელარუსის პრეზიდენტის, ალექსანდრ ლუკაშენკოს დაკავებაზე. 

ევროპარლამენტმა დაგმო რუსეთის მიერ ოკუპირებული უკრაინის ტერიტორიებიდან 2 150-ზე მეტი ბავშვის უკანონო გადაყვანა ბელარუსის ე.წ. სამედიცინო ბანაკებში, სადაც ისინი რუსიფიკაციას ექვემდებარებიან.

პარლამენტმა მხარი დაუჭირა უკრაინის პროკურატურის მიერ, იძულებით დეპორტაციაში ბელარუსის როლის გამოძიებას და მიიჩნია, რომ თავად ლუკაშენკოს და მისი რეჟიმის ქმედებები შეიძლება ასევე წარმოადგენდეს დანაშაულს კაცობრიობის წინააღმდეგ სისხლის სამართლის საერთაშორისო სასამართლოს რომის სტატუტის შესაბამისად. 

ამდენად, ევროპარლამენტი „ლუკაშენკოს მიიჩნევს ამ ომის დანაშაულებებზე პასუხისმგებელად, როგორც ვლადიმირ პუტინსა და მარია ლვოვა-ბელოვას და ამიტომ, მოუწოდებს ICC-ს, განიხილოს ლუკაშენკოს დაპატიმრების მსგავსი საერთაშორისო ორდერის გაცემის შესაძლებლობა". 

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება