მოვისმინე რა ნაბიჯები გადაიდგა, ვისაუბრეთ ბორელის ვიზიტზე, როგორ მიმდინარეობს რეფორმები, 12 პუნქტის იმპლემენტაცია, - ამის შესახებ ევროპარლამენტარმა, მარინა კალიურანდიმ ევროპარლამენტში ქართველ დეოუტატებთან შეხვედრის შემდეგ განაცხადა.

მისივე თქმით, ევროკავშირის ანგარიში იქნება ოქტომბერში და მმართველ პარტიას ბევრი დრო არ აქვს დარჩენილი.

„რაც შეეხება ჩემს რეკომენდაციას, მე ყოველთვის და ბევრი წელია ვამბობ, რომ შეამცირეთ პოლიტიკური პოლარიზაცია და დაიწყეთ მუშაობა ერთად 12 რეკომენდაციაზე, რადგან შესაძლებლობების ფანჯარა ჯერ ღიაა. ანგარიში იქნება ოქტომბერში, ბევრი დრო არაა დარჩენილი. მე ვიცი რომ ყველა რეკომენდაცია სრულად შესრულებული არ არის. ამავე დროს, ვიგებთ ინფორმაციას პრეზიდენტის იმპიჩმენტზე, მოდის ინფორმაცია რუსეთთან ფრენებზე. თუ ყველაფერს ერთად დავაწყობთ, არსებული სიტუაცია გამოწვევებით სავსეა და მოდით, დასხედით და ერთად იმუშავეთ, გააკეთეთ ის რაც თქვენი გასაკეთებელია, შეასრულეთ თქვენი ნაწილი და მხოლოდ მაშინ უნდა ელოდოთ პოზიტიურ ანგარიშს“, - განაცხადა კალიურანდიმ.

ცნობისთვის, ქართული დელეგაცია ევროპარლამენტში შეხვედრებს მართავს. 

სტრასბურგში ვიზიტის მთავარი თემაა კანდიდატის სტატუსი და პარლამენტარებისთვის ბოლო ინფორმაციის მიწოდება 12 პუნქტის შესასრულებლად გადადგმულ ნაბიჯებზე.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება