2023-08-08 12:49:32, 749 ნახვა

---

კობახიძე - მძიმე რეაქცია მოჰყვება ნებისმიერი კანონპროექტის დაინიცირებას, რომელიც დაუპირისპირდება სიცრუეს - გამოვა ერთი-ორი ელჩი და იტყვის, რომ ეს არის რუსული კანონი

გახსოვთ, რა რეაქცია მოყვა "უცხოელი აგენტების შესახებ" კანონის დაინიცირებას, ამაზე მძიმე რეაქცია მოჰყვება ნებისმიერი კანონპროექტის დაინიცირებას, რომელიც დაუპირისპირდება სიცრუეს, ცილისწამებას. გამოვა ერთი-ორი ელჩი და იტყვის, რომ ეს არის რუსული კანონი, საზოგადოების შეცდომაში შეყვანას შეეცდებიან, წინა შემთხვევაში საზოგადოება შეიყვანეს შეცდომაში, როცა საქმე ეხებოდა აგენტების შესახებ კანონს, - ამის შესახებ „ქართული ოცნების“ თავმჯდომარემ, ირაკლი კობახიძემ ჟურნალისტებს განუცხადა. 

კობახიძის თქმით, "როდესაც შენი მთავარი ძალა არის ტყუილი, სიცრუე, ცილისწამება, დეზინფორმაცია, ყველაფერს გააკეთებენ შესაბამისი ადამიანები, რომ საქართველოში ასეთი კანონი არ იყოს მიღებული". 

„რაც შეეხება დეზინფორმაციასთან ბრძოლას, ბევრი იწერებოდა ამასთან დაკავშირებით ფეისბუქში, როგორ შეიძლება დავუპირისპირდეთ სიცრუეს, დეზინფორმაციას, ცილისწამებას, თეორიულად შეიძლება ამ საკითხის საკანომდებლო დონეზე მოწესრიგება, ძალიან ბევრი ევროპული ქვეყანაა, სადაც ეს საკითხი მკაცრად არის მოწესრიგებული, რაც ეხება სიცრუეს, დეზინფორმაციას, ცილისწამებას, თუმცა, ჩვენ შემთხვევაში ცოტა არარეალური მგონია ასეთი ცვლილებების განხორცილება. რეალურად პოლარიზაცია საქართველოში დგას ძირითადად ორ რამეზე. ეს არის უცხოური აგენტურა და ეს არის სიცრუე, დეზინფორმაცია და ცილისწამება. 

გახსოვთ, რა რეაქცია მოყვა "უცხოელი აგენტების შესახებ" კანონის დაინიცირებას, ამაზე მძიმე რეაქცია მოჰყვება ნებისმიერი კანონპროექტის დაინიცირებას, რომელიც დაუპირისპირდება სიცრუეს, ცილისწამებას. გამოვა ერთი-ორი ელჩი და იტყვის, რომ ეს არის რუსული კანონი, საზოგადოების შეცდომაში შეყვანას შეეცდებიან, წინა შემთხვევაში შეიყვანეს საზოგადოება შეცდომაში, როცა საქმე ეხებოდა აგენტების შესახებ კანონს. აქ კიდევ უფრო მეტი აგრესია იქნება.  

როდესაც შენი მთავარი ძალა არის ტყუილი, სიცრუე, ცილისწამება, დეზინფორმაცია, ყველაფერს გააკეთებენ შესაბამისი ადამიანები, რომ საქართველოში ასეთი კანონი არ იყოს მიღებული“, - განაცხადა ირაკლი კობახიძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი