"სტრატეგია აღმაშენებლის" წარმომადგენელი პაატა მანჯგალაძე ბათუმის საპროტესტო აქციასთან დაკავშირებით რუსეთის ფედერაციის საგარეო საქმეთა სამინისტროს პრესსპიკერის, მარია ზახაროვას განცხადებას ეხმაურება.

როგორც მანჯგალაძემ მედიის წარმომადგენლებთან საუბრისას განაცხადა, ამ საკითხის მიმართ მარია ზახაროვასა და "ქართული ოცნების" თავმჯდომარის, ირაკლი კობახიძის მიდგომებში "არანაირი განსხვავება არ არის".

"რუსი კურატორები "ქართულ ოცნებას" უმზადებდნენ სასაუბრო "მესიჯბოქსებს". თუ ამოვიღებთ ბოლო პერიოდის ამ რუსულ "მესიჯბოქსს", ირაკლი კობახიძესა და მარია ზახაროვას შორის, ვნახავთ, რომ მხოლოდ სქესშია განსხვავება. მეტი არანაირი განსხვავება ზახაროვასა და კობახიძეს შორის არ არის არც მიდგომებში, არც დამოკიდებულებებში, გარდა სქესისა", - აცხადებს მანჯგალაძე.

ცნობისთვის, რუსეთის საგარეო საქმეთა სამინისტროს პრესსპიკერი მარია ზახაროვა ბათუმის პორტში საკრუიზო ლაინერით რუსი ტურისტების ჩამოყვანის გამო გამართულ საპროტესტო აქციას გუშინ, 2 აგვისტოს გამოეხმაურა. ზახაროვას თქმით, საქართველოს მოქალაქეების უმრავლესობა მხარს არ უჭერს "რუსეთის წინააღმდეგ შეკვეთილ პროვოკაციებს, რომლებსაც რადიკალური ქართული ოპოზიცია დასავლელი სპონსორების მოთხოვნით აწყობს".

რაც შეეხება "ქართული ოცნების" თავმჯდომარეს, ირაკლი კობახიძემ ამავე საკითხზე საუბრისას, 1-ელ აგვისტოს განაცხადა, რომ ბათუმის აქცია ანტისახელმწიფოებრივი პოლიტიკური მიზნებით და გარე დავალებებით არის ნაკარნახევი.

აღსანიშნავია, რომ საკრუიოზო ლაინერი ASTORIA GRANDE, რომლის სოჭიდან საქართველოში შემოსავლასაც მოჰყვა აქციები, ბათუმში ორჯერ  27 და 31 ივლისს შევიდა. ორივე შემთხვევაში, გემმა ნავსადგური საქართველოს ჰიმნისა და საპროტესტო შეძახილების ფონზე, დროზე ადრე დატოვა.

ავტორი: ექსპრესნიუსი,

სოციალური ქსელები

საია: სისტემა გავლენიანი მოსამართლეების ვიწრო ჯგუფის მიერ იმართება

ბულგარეთის საგარეო მინისტრი: მნიშვნელოვანია საქართველოს ჩართვა შავი ზღვის უსაფრთხოების შესახებ დიალოგში

უკრაინაში კიდევ ერთი ქართველი მებრძოლი დაიღუპა

ოანა ცოიუ –საჯაროდ უნდა დავგმო რუსეთის მიერ საქართველოს ტერიტორიაზე ჩატარებული არჩევნები. ძალიან მნიშვნელოვანია, ეს ითქვას ძალიან მკაფიოდ