ჩვენი დაზვერვისგან გვაქვს ინფორმაცია, რომ რუსმა სამხედროებმა ზაპოროჟიეს ატომური ელექტროსადგურის რამდენიმე ენერგობლოკის სახურავზე განათავსეს საგნები, რომლებიც ასაფეთქებელ ნივთიერებას ჰგავს,- აღნიშნულის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

ზელენსკის თქმით, ზაპოროჟიეს ატომური სადგურისთვის საფრთხის ერთადერთი წყარო თავად რუსეთია და სხვა არავინ.

"ჩვენი დაზვერვისგან გვაქვს ინფორმაცია, რომ რუსმა სამხედროებმა ზაპოროჟიეს ატომური ელექტროსადგურის რამდენიმე ენერგობლოკის სახურავზე განათავსეს საგნები, რომლებიც ასაფეთქებელ ნივთიერებას ჰგავს. შესაძლოა, სადგურზე თავდასხმის სიმულაციის მიზნით. ალბათ, მათ სხვა სცენარი აქვთ, მაგრამ ნებისმიერ შემთხვევაში - მსოფლიო ხედავს, რომ ზაპოროჟიეს ატომური ელექტროსადგურისთვის საფრთხის ერთადერთი წყარო რუსეთია და სხვა არავინ",- განაცხადა ზელენსკიმ.

მისივე თქმით, კახოვკის ჰიდროელექტროსადგურის აფეთქებას საერთაშორისო პარტნიორების მხრიდან სათანადო რეაგირება არ მოჰყოლია.

"კახოვკის ჰიდროელექტროსადგურზე მომხდარ ტერაქტს, სამწუხაროდ, დროული და მასშტაბური რეაგირება არ მოჰყოლია. ამან, შესაძლოა, უბიძგოს კრემლს ახალი ბოროტების ჩადენისკენ. მისი შეჩერება მსოფლიოში ყველას პასუხისმგებლობაა, გვერდით ვერავინ გადგება, რადგან რადიაცია ყველაზე ზემოქმედებს",- დასძინა ზელენსკიმ.

ავტორი: ექსპრესნიუსი,

სოციალური ქსელები

ტრამპმა ხელი მოაწერა კანონს რუსეთის წინააღმდეგ „ჯოჯოხეთური სანქციების“ შესახებ

საფრანგეთსა და შეერთებულ შტატებში დიზელის დეფიციტის გამო საწვავის კრიზისი დაიწყო

მაკრონმა საფრანგეთის ინფრასტრუქტურის დრონებით თავდასხმებისთვის მზადყოფნის ბრძანება გასცა

რუსეთის ერთ-ერთი ყველაზე ტიტულოვანი რეჟისორი ზვიაგინცევი „უცხოელი აგენტად“ გამოაცხადა