„ჩანს, რომ ეს არის საბაბი, პრეზიდენტი მოქმედებს დაკვეთით და ხელოვნურად  ცდილობს შექმნას ინსტიტუციური კრიზისი ცესკო-ში,  რაც არასწორია და ჩვენ ამას ვერ დავუშვებთ,- ამის შესახებ საპარლამენტო უმრავლესობის ლიდერმა, ირაკლი კობახიძემ პარლამენტის რიგგარეშე სესიის პლენარულ სხდომაზე განაცხადა, სადაც „საარჩევნო კოდექსში" ცვლილებების შეტანის შესახებ საქართველოს ორგანულ კანონზე პრეზიდენტის მოტივირებულ შენიშვნებს განიხილავენ.

კობახიძის თქმით, პრეზიდენტის გადაწყვეტილების საბაბი არის ის, რომ ოპოზიცია მხარს არ უჭერს ცესკოს მოქმედ თავმჯდომარესა და წევრებს, რომელთაც ადგილობრივი თვითმმართველობის და რამდენიმე შუალედური არჩევნები კრიტიკული შენიშვნების გარეშე ჩაატარეს.

„ორ წელზე მეტია ჩვენ ცესკოში არ გვყავს სრულფასოვნად არჩეული თავმჯდომარე და ორი წევრი. არის გიორგი კალანდარიშვილი მოქმედი თავმჯდომარე და ასევე ორი წევრი, რომელმაც ჩაატარა რამდენიმე არჩევნები, მათ შორის, ადგილობრივი თვითმმართველობის არჩევნები მთელი ქვეყნის მასშტაბით და რამდენიმე შუალედური არჩევნები. მინდა შეგახსენოთ, რომ არცერთ ამ არჩევნებთან დაკავშირებით, არ ყოფილა კრიტიკული შენიშვნები.

ეს ადამიანები მონაწილეობას იღებენ კიდევ ერთხელ კონკურსში, კონკურსი ავლენს, რომ ისინი არიან საუკეთესოები თავიანთი კომპეტენციით და კეთილსინდისიერებით და მაინც არ წარადგენს მათ პრეზიდენტი. საბაბი არის ის, რომ მაშინდელი რეჟიმის წარმომადგენლები მხარს არა უჭერენ კალანდარიშვილს და ცესკოს 2 წევრს.

ასევე მინდა შეგახსენოთ, რა საარჩევნო რეფორმა გატარდა 12 პუნქტის ფარგლებში, რამდენიმე თვის წინ. შემოღებულია ელექტრონული არჩევის წესი. ამომრჩეველთა 91 პროცენტი ხმას მისცემს ელექტრონული წესით და არჩევნების დახურვიდან ერთ საათში, მთელი ქვეყნის მასშტაბით შედეგები იდება უკვე ცესკოს ვებგვერდზე. ამ ვითარებაში ცესკოს ეკისრება ერთადერთი მისია, ამ ყველაფრის ტექნიკური ადმინისტრირება მოახდინოს სათანადოდ. არავითარი მანიპულაციის ბერკეტიც კი არ რჩება ცესკოში და ამ ადამიანებს რომ აქვთ ტექნიკური ადმინისტრირების უმაღლესი შესაძლებლობა, ეს დაამტკიცა როგორც კალანდარიშვილმა, ასევე ცესკოს სხვა წევრებმა. ერთადერთი, თუ ცესკო აღმოჩნდება ოპოზიციის ხელში, მას შეუძლია მარტივად, არგუმენტაციის გარეშე არ დაამტკიცოს შემაჯამებელი ოქმი და განახორციელოს საბოტაჟი", - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება

EU-მ რუსეთის სამხედრო-სამრეწველო კომპლექსის წინააღმდეგ სანქციების უპრეცედენტო პაკეტი დაამტკიცა